Türkiyə Prezidenti Rəcəb Tayyib Ərdoğanın həyat yoldaşı Əminə Ərdoğan Beynəlxalq İnsan Hüquqları Günü münasibətilə Türkiyənin NSosyal platformasında paylaşım edərək Fələstin xalqının yaşadığı acının beynəlxalq ictimaiyyət üçün ədalət axtarışını daha da vacib etdiyini bildirib.

İsrail ordusunun Qəzza Zolağında həyata keçirdiyi hücumlardа həyatını itirənlərin sayı son 24 saatda 2 nəfər artaraq 70 min 369-a yüksəlib. Qəzzadakı Səhiyyə Nazirliyi yazılı açıqlamasında İsrailin hücumlarında yaşanan can itkiləri, yaralanmalar və dağıntılar altından çıxarılan cəsədlərlə bağlı son məlumatları paylaşdı. Son 24 saatda biri dağıntı altından çıxarılan 3 fələstinlinin cəsədi ilə 5 yaralının xəstəxanalara çatdırıldığı bildirilib.

İsrail hərbçilərinin işğal altındakı Qərb Sahilinin müxtəlif bölgələrində genişmiqyaslı reydlər həyata keçirərək təxminən 100 Fələstinlini həbs etdiyi bildirilib. Şahidlərdən əldə olunan məlumata görə, İsrail qüvvələri səhər saatlarında Nablus, Salfit şəhərləri ilə Cenin bölgəsinin bəzi qəsəbələrinə, Tulkerim, Kalkilya, Əriha və Qüdsün şərqində yerləşən Ayzariye və Ebu Dis qəsəbələrinə reydlər keçirib. Nablusda 50, Salfitdə 15, Ərihada 13, Qüdsün şərqindəki qəsəbələrdə isə təxminən 20 nəfər həbs olunub.

İsrail mediasında Qəzza Zolağında yaradılması gündəmdə olan beynəlxalq qüvvə planı və bu çərçivədə Türkiyənin mümkün iştirakı geniş müzakirə olunub.

Birləşmiş Millətlər Təşkilatı (BMT) İsrailli rəsminin “Qəzzadakı sarı xəttin yeni sərhəd olduğu” barədə açıqlamasına münasibət bildirərək, Qəzza və İsrail sərhədlərində hər hansı dəyişikliyə qarşı olduqlarını açıqlayıb.

2025-ci ildə İsrail, Qəzza Zolağında davam edən müharibə ilə birlikdə dünyada ən çox jurnalisti öldürən ölkə olaraq qeydə alındı.Sərhədsiz Jurnalistlər (RSF) 2025-ci ildə dünyada media işçilərinə qarşı edilən hücumların hesabatını yayımlayıb. Hesabata görə, bu il dünya üzrə 67 jurnalist müxtəlif hücumlarda həyatını itirib və ölənlərin təxminən yarısından İsrail məsul tutulur. İsrailin Qəzza Zolağına etdiyi hücumlarda 2025-ci ildə 29 Fələstinli media işçisi həyatını itirdi. Bu isə dünyada həmin il öldürülən jurnalistlərin 43 faizinin İsrail hücumlarında öldüyünü göstərir.

İsrail tərəfindən işğal edilmiş Qəzza Zolağında Fələstin intifadasının ərəbcə “silkinmə” mənasını verən xalq üsyanının ilk iğtişaşları, İsrail yük maşınının Qəzzanın Cəbəliyə qaçqın düşərgəsində fələstinli işçiləri daşıyan minik avtomobilinə çırpılması və dörd nəfərin ölümü, on nəfərin yaralanmasından bir gün sonra baş verdi.

Nazım Hikmətin "Küləyə qarşı yeriyən adam" heykəli Ankara Atatürk Mədəniyyət Mərkəzinin bağçasında Mədəniyyət Naziri Fikri Sağların da iştirak etdiyi mərasimlə qoyuldu.

İsrail Baş naziri Benyamin Netanyahu dekabrın 29-da ABŞ Prezidenti Donald Tramp ilə Qəzza atəşkəsi planının növbəti mərhələlərini müzakirə edəcək.

İsrail ordusu, işğal altında olan Şərqi Qüdsdə Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İnkişaf Agentliyi (UNRWA) mərkəzinə hücum edib. Hücumun, BMT qurumlarının toxunulmazlıq hüquqlarının açıq pozulması olduğu bildirilib. UNRWA-dan verilən açıqlamada, səhər saatlarında İsrail polisinin forklift və digər texnika ilə mərkəzə gəldiyi, çox sayda polis tərəfindən həyata keçirilən əməliyyat zamanı BMT işçilərinin mərkəzdə olmadığı bildirilib. Hücum zamanı ərazinin tamamilə bağlandığı, mərkəzdəki işçilərlə əlaqənin kəsildiyi qeyd olunub.

HƏMASın Qəzzadakı rəhbəri Xəlil əl-Hayya bildirib ki, hərəkat silahlarını gələcək fələstin suveren dövlətinə təhvil verməyə hazırdır. Onun sözlərinə görə, bu addım yalnız “İsrail işğalının tam şəkildə başa çatmasından” sonra mümkün olacaq.

Çin prezidenti Si Cinpin ölkəsinin Qəzzada humanitar böhranın yüngülləşdirilməsi və fələstinlilərin bərpa səylərinə dəstək üçün 100 milyon dollar humanitar yardım ayıracağını açıqlayıb.

Misirin xarici işlər naziri Bədr Əbdülattı və Rusiyanın xarici işlər naziri Sergey Lavrov arasında keçirilən telefon danışığında Sudan, Suriya, Livan və Qəzzadakı proseslər, eləcə də ikitərəfli əlaqələr ətraflı şəkildə müzakirə olunub.

Qətər Baş naziri Şeyx Məhəmməd bin Əbdürrəhman Al-Tani bildirib ki, Qəzza müharibəsində ABŞ tərəfindən dəstəklənən atəşkəsin möhkəmləndirilməsi ilə bağlı danışıqlar “kritik mərhələdədir” və hazırkı vəziyyəti tam atəşkəs adlandırmaq mümkün deyil.

İsrail ordusunun Qəzza Zolağında həyata keçirdiyi hücumlarda həyatını itirənlərin sayı son 48 saatda 6 nəfər artaraq 70 354-ə çatıb. Qəzza Sağlamlıq Nazirliyi yazılı açıqlamasında İsrail hücumlarında baş verən ölənlərin sayı və dağıntılardan çıxarılan cəsədlərlə bağlı son məlumatları paylaşıb. Bildirilib ki, son 48 saat ərzində İsrail hücumlarında 5-i dağıntı altından çıxarılan 6 Fələstinli və 15 yaralı xəstəxanalara çatdırılıb.

Türkiyə üzərinə düşəni etməyə hazırdır. Hal-hazırda davam edən sülh səylərinə də töhfə verməyə də hazırıq. Bu sözləri Türkiyə Xarici İşlər naziri Hakan Fidan 23-cü Doha Forumunda verdiyi açıqlamada bildirib. Ölkəsinin Qəzza məsələsində üzərinə düşəni etməyə hazır olduğunu bildirib. Fidan qeyd edib ki, Türkiyə hazırda davam edən sülh təşəbbüslərinə dəstək verməyə hazırdır.

İsrail ordusu səhər saatlarında Qəzza zolağının müxtəlif bölgələrinə intensiv hava hücumları təşkil edib və çox sayda binanı partlayıcılarla dağıdıb. Bu hücumlar 10 oktyabrda qüvvəyə minmiş atəşkəs razılaşmasının növbəti pozuntuları kimi qeydə alınıb.

Səudiyyə Ərəbistanı, Misir, İordaniya, Birləşmiş Ərəb Əmirlikləri, İndoneziya, Pakistan, Türkiyə və Qətər cümə günü yaydıqları birgə bəyanatda İsrail rəsmilərinin Rəfah sərhəd-keçid məntəqəsinin birtərəfli qaydada açılması və Qəza sakinlərinin Misirə yönləndirilməsi barədə açıqlamalarından dərin narahatlıq duyduqlarını bildiriblər.

İsrail 2026-cı il müdafiə büdcəsini 112 milyard şekel (34,6 milyard dollar) olaraq təsdiqləyib. Bu məbləğ əvvəlki layihədə nəzərdə tutulan 90 milyard şekeli xeyli üstələyir.

ABŞ-ın BMT-dəki səfiri Mayk Uoltz şənbə günü Yaxın Şərqə səfərə başlayır. Səfərin məqsədi Prezident Donald Trampın Qəzza üzrə 20 maddəlik sülh planını təşviq etmək və BMT Təhlükəsizlik Şurasının 2803 saylı qətnaməsinin icrasına dəstək verməkdir.

ABŞ-ın Ankaradakı səfiri və Suriya üzrə xüsusi nümayəndəsi Tom Barrak bildirib ki, əgər İsrail Baş naziri Benyamin Netanyahunun müşaviri olsaydı, “Türkiyənin beynəlxalq barış gücünə qatılmasına mane olmamağın” ən doğru addım olacağını məsləhət görərdi.

Avropa Yayım İttifaqı (EBU) bu gün Cenevrədə təcili iclas keçirərək İsrailin gələn il “Avroviziya” musiqi müsabiqəsində iştirakını müzakirə edəcək. Bir sıra ölkələrin Qəzza müharibəsinə görə İsraili boykot tələbi ilə çıxış etməsi, hətta müsabiqədən imtina edəcəklərini bildirməsi məsələni gündəmin əsas mövzularından birinə çevirib.

İsrail Ordusu Radiosu təcili məlumat yayıb: Qəzza zolağında HƏMAS-a qarşı İsrail tərəfəindən silahıandırılan fələstinli Yasir Əbu Şəbab naməlum silahlılar tərəfindən qətlə yetirilib. Məlumata görə, hadisə bu gün Qəzzanın cənub bölgəsində baş verib. Silahlı şəxslərin kimliyi barədə hələlik dəqiq məlumat yoxdur və araşdırma aparılır. İsrail tərəfi bunun Qəzza daxilində müxtəlif qruplar arasında baş verə biləcək qarşıdurmaların nəticəsi ola biləcəyini istisna etmir. Fələstin mənbələri isə hadisənin təfərrüatlarının hələ tam aydınlaşdırılmadığını bildirir.

İsrail ordusu Qəzza Zolağının şimal və cənub bölgələrini havadan və artilleriya atəşləri ilə hədəf alıb, binaları partlatıb. Yerli şahidlərdən əldə edilən məlumata görə, İsrail ordusuna məxsus döyüş təyyarələri cənubdakı Rifah və Xan Yunis şəhərlərinin şərq bölgələrini bombalayıb. Bundan əlavə, şimaldakı Beyt Lahiya qəsəbəsi də hava hücumu ilə hədəfə alınıb. Bu hücumlarla eyni vaxtda Xan Yunisin şimal və şərq bölgələri də artilleriya atəşləri ilə vuruldu, helikopterdən atəş açıldı.