Almaniyada Protestant və Katolik kilsələri tərəfindən yaradılan Kilsə və İnkişaf üzrə Birgə Konfrans (GKKE) Almaniya hökumətinə İsrailə silah ixracının həyata keçirilməməsi çağırışı edib. GKKE-nin həmsədrləri Karl Yüsten və Anne Gidion paytaxt Berlində “29-cu Silah İxracı Hesabatı” ilə bağlı mətbuat konfransı keçiriblər. Katolik Kilsəsinin nümayəndəsi Karl Yüsten çıxışı zamanı bildirib ki, GKKE hökuməti Qəzza zolağında istifadə oluna biləcək silahların, bölgədəki vəziyyət kifayət qədər sabitləşənədək və bu silahların beynəlxalq humanitar hüququn ciddi pozuntularında istifadə olunma riski aradan qalxanadək İsrailə təhvil verilməməsinə çağırır. O vurğulayıb ki, hazırkı atəşkəs son dərəcə kövrəkdir.

Qəzza Mülki Müdafiə İdarəsinin sözçüsü Mahmud Basal soyuq hava şəraiti və fırtınanın başlamasından bəri Qəzza zolağında 17 fələstinlinin soyuqdan həyatını itirdiyini açıqlayıb. Qəzza Mülki Müdafiə İdarəsinin “Telegram” hesabında yayımlanan açıqlamada Basal bildirib ki, güclü yağış və fırtına nəticəsində indiyədək 17-dən çox bina tamamilə uçub. Eyni müddət ərzində 90-dan çox binada qismən çökmə qeydə alınıb. Onun sözlərinə görə, bu vəziyyət minlərlə insanın həyatını birbaşa təhlükə altına salır.

Fələstinin Birləşmiş Millətlər Təşkilatı (BMT) yanında Daimi Nümayəndəsi Riyad Mansur bildirib ki, İsrail BMT-nin qəbul etdiyi qərarlara əməl etmək əvəzinə, onları pozmağı artırıb və Qəzza zolağındakı müharibəni dayandırmayıb. Mansur bu fikirləri BMT Təhlükəsizlik Şurasında Yaxın Şərqdəki vəziyyət, o cümlədən Fələstin məsələsi ilə bağlı keçirilən iclasda çıxışı zamanı səsləndirib.

BMT-nin Fələstin üzrə xüsusi məruzəçisi Françeska Albanese və Qəzza zolağında fəaliyyət göstərən həkimlər 2026-cı il Nobel Sülh Mükafatına namizəd göstərilib. Bu barədə Avropa Parlamentinin Sloveniyadan olan üzvü Matyaj Nemets X sosial şəbəkə hesabında açıqlama verib. O bildirib ki, namizədlik Norveç Nobel Komitəsinə Avropa Parlamentinin Strasburqdakı sessiyası çərçivəsində rəsmi şəkildə təqdim olunub.

Avstraliyanın sabiq baş naziri Malkolm Ternbull İsrailin baş naziri Benyamin Netanyahunun Avstraliyanın daxili siyasəti ilə bağlı açıqlamalarını tənqid edərək onu bu cür mövqedən çəkinməyə çağırıb. Ternbull Netanyahunun Avstraliyanın Fələstin dövlətini tanıması qərarını Bondi-Biçdə baş verən silahlı hücumla əlaqələndirməsinə münasibət bildirib. Sabiq baş nazir bu fikirlərin qəbuledilməz olduğunu deyib.

ABŞ prezidenti Donald Tramp Qəzza zolağında təhlükəsizliyin təmin olunması məqsədilə yaradılan Beynəlxalq Sabitləşdirmə Qüvvəsinin artıq fəaliyyət göstərdiyini və prosesə yeni ölkələrin qoşulacağını bildirib. Tramp bu barədə bazar ertəsi Ağ Evdə, Oval kabinetdə jurnalistlərə açıqlamasında deyib. ABŞ prezidenti qeyd edib ki, mexanizm formal şəkildə artıq işə salınıb və iştirakçı ölkələrin sayı tədricən artır.

Qəzza zolağında havaların kəskin soyuması nəticəsində bədən temperaturu düşən fələstinli bir körpə həyatını itirib. Qəzzadakı Səhiyyə Nazirliyi mövzu ilə bağlı yazılı açıqlama yayıb. Açıqlamada Qəzza şəhərində təsirli olan şiddətli soyuq hava səbəbindən bədən temperaturu aşağı düşən iki həftəlik Məhəmməd Xəlil Əbu Xeyrin iki gün əvvəl xəstəxanaya yerləşdirildiyi qeyd olunub. Körpənin müalicə üçün reanimasiya şöbəsinə alındığı, lakin göstərilən tibbi müdaxilələrə baxmayaraq xilas edilə bilmədiyi bildirilib.

Türkiyə Xarici işlər naziri Hakan Fidan ABŞ-ın Ankaradakı səfiri və eyni zamanda Suriya üzrə xüsusi nümayəndəsi olan Tom Barakı qəbul edib. Ankarada baş tutan görüşdə Suriya məsələsi və Qəzza üzrə Sülh Planı ilə bağlı son inkişafların müzakirə edildiyi ehtimal olunur. Qeyd edək ki, nazir Hakan Fidan Tom Barak ilə sonuncu dəfə 14 noyabr tarixində də görüş keçirmişdi.

İsrailin Baş naziri Benyamin Netanyahu Qüdsdə ABŞ Prezidenti Donald Trampın xüsusi nümayəndəsi Tom Barrak ilə görüşüb. Görüş, bu ayın sonlarında Florida ştatında keçirilməsi planlaşdırılan ABŞ–İsrail sammiti ərəfəsində Vaşinqtonun Netanyahoya ünvanladığı açıq və sərt mesajlar fonunda baş tutub. İsrail mediasının məlumatına görə, danışıqlarda əsas diqqət Qəzza zolağındakı vəziyyət, Suriyada təhlükəsizlik məsələləri və Netanyahunun Tramp ilə gözlənilən görüşünə yönəlib. ABŞ tərəfi Qəzzada atəşkəsin ikinci mərhələsinə keçidin vacibliyini vurğulayaraq, Türkiyənin mümkün beynəlxalq missiyada rolunun əhəmiyyətini ön plana çıxarıb. Bildirilib ki, Türkiyə HƏMAS üzərində təsir imkanlarına malik əsas aktorlardan biridir və prosesdən kənarda saxlanılması planın risk altına düşməsinə səbəb ola bilər.

İsrail hərbçiləri işğal altındakı İordan çayının qərb sahilində yerləşən Tuku şəhərində keçirilən reyd zamanı fələstinli yeniyetməni güllələyərək öldürüb. Fələstinin rəsmi xəbər agentliyi WAFA-nın məlumatına görə, İsrail ordusu Beyt-Ləhm şəhərinin cənubunda yerləşən Tuku qəsəbəsində hərbi əməliyyat həyata keçirib. Reyd zamanı israilli hərbçilər tərəfindən açılan atəş nəticəsində 17 yaşlı Əmmar Yasir əs-Sabah həyatını itirib.

Türkiyə Prezidenti Rəcəb Tayyib Ərdoğan ayrı-seçkiliyi hədəf alan siyasətlərin qəbuledilməz olduğunu bəyan edərək, hökumətin daxili birlik, sosial ədalət və insan hüquqları prinsipindən geri çəkilməyəcəyini bildirib.

İsrailin baş naziri Benyamin Netanyahu ABŞ-ın Ankara üzrə səfiri və Suriya üzrə xüsusi nümayəndəsi Tom Barakın Türkiyənin Qəzzada mümkün rolu ilə bağlı açıqlamalarından narazılıq ifadə edib və məsələni Vaşinqtonun diqqətinə çatdırıb. Bu barədə İsrail mətbuatı məlumat yayıb.

İsrail ordusunun Suriyanın cənub-qərbində həyata keçirdiyi hərbi reydlər regionda gərginliyi daha da artıraraq faktiki “təhlükəsizlik buferi”nin yaradılması istiqamətində yeni mərhələnin başlandığını göstərir. Son aylarda intensivləşən bu əməliyyatlar yerli əhali arasında ciddi narazılıq yaradıb və Dəməşqlə Tel-Əviv arasında münasibətlərin normallaşması ehtimalını faktiki olaraq aradan qaldırıb.

Türkiyə Xarici İşlər Naziri Hakan Fidan İordaniya Xarici İşlər Naziri Eymen əs-Safedi və Səudiyyə Ərəbistanı Xarici İşlər Naziri Feysəl bin Fərhan ilə telefon danışığı həyata keçirib. Türkiyə Xarici İşlər Nazirliyindən əldə olunan məlumata görə, görüş zamanı Qəzza Sülh Planının icrası ilə bağlı bir sıra məsələlər ətraflı şəkildə müzakirə olunub. Fidan görüşdə bölgədə sülh və sabitliyin təmin edilməsinin vacibliyini vurğulayıb, tərəflərin koordinasiyalı fəaliyyət göstərməsinin əhəmiyyətini qeyd edib.

BMT-nin məlumatına görə, Qəzzanın yenidən qurulması üçün təxminən 70 milyard dollar tələb olunur. Bu rəqəm bölgənin bərpasının miqyasını göstərən ən önəmli göstəricidir. 10 oktyabr tarixində qüvvəyə minmiş atəşkəs razılaşmasına baxmayaraq, İsrail ordusu bu gün də Qəzza bölgəsinin müxtəlif ərazilərinə hücumlar həyata keçirib. Şahidlərinin verdiyi məlumata görə, İsrail hərbi təyyarələri Cənubi Qəzzada yerləşən Rifah şəhərinə hava zərbələri endirib. Həmçinin, İsrail ordusuna aid zirehli vasit

Türkiyənin Qəzza zolağındakı böhranın həlli ilə bağlı mövqeyi dəyişməz olaraq qalır. Prezident Rəcəb Tayyib Ərdoğan yerli universitetlərin tələbələri ilə görüşdə çıxış edərək, Ankaranın bu məsələdə qətiyyətli siyasət yürütməyə davam edəcəyini bildirib. Onun sözlərinə görə, Türkiyə Qəzza məsələsində mövqeyindən geri çəkilməyəcək və bu istiqamətdə zəruri addımları atmağı davam etdirəcək.

İsrailin işğalçı hökumətinin başçısı Benyamin Netanyahu Nyu-Yorka ayaq basmadan belə ABŞ-ın iki yüksək vəzifəli rəsmisi arasında açıq qarşıdurma yarandı. Hər iki rəsmisinin eyni Demokrat Partiyasına mənsub olmasına baxmayaraq, mübahisənin əsasında İsrail işğal rejiminin siyasətlərinə verilən dəstək, susqunluq və ya ona qarşı çıxış məsələsi dayanırdı. Nyu-York şəhərinin yeni seçilmiş gənc meri Zahran Məmdani bəyan etdi ki, Beynəlxalq Cinayət Məhkəməsinin çıxardığı həbs orderinə əsasən Netanyahu şəhərə gələrsə, onun tutulması barədə göstəriş verəcək. Lakin ştatın qubernatoru Keti Hoçul açıqladı ki, merin səlahiyyətləri buna imkan vermir, çünki Beynəlxalq Cinayət Məhkəməsinin ABŞ ərazisində hüquqi yurisdiksiyası yoxdur.

Onilliklərlə davam edən təqibdən sonra İsrail şənbə günü Fələstinin “HƏMAS” hərəkatının tanınmış simalarından olan Raid Səədin Qəzza şəhərinə endirilən zərbə nəticəsində öldürüldüyünü açıqlayıb. İsrail ordusu Səədi “HƏMAS” üçün “döyüş vasitələrinin yenidən istehsalını bərpa etməyə çalışan” şəxs kimi ittiham edib. Ordu onu “HƏMAS”da silah istehsalı qüvvəsinin rəhbəri” adlandırıb. “HƏMAS”dakı mənbələr isə onu hərəkatın hərbi qanadı olan “İzzəddin əl-Qəssam briqadaları”nın rəhbərliyində İzzəddin əl-Həddaddan sonra “ikinci şəxs” kimi təqdim ediblər.

İsrail ordusu şənbə günü Qəzza şəhərində həyata keçirilən hava zərbəsi zamanı HƏMAS-ın yüksək rütbəli komandirlərindən birini hədəf aldığını açıqlayıb. İsrail rəsmiləri hücumun 7 oktyabr 2023-cü il tarixli hücumların planlaşdırılmasında əsas fiqurlardan biri hesab edilən Raid Saidə yönəldiyini bildirib.

Gələn il Avstriyada keçiriləcək Avroviziya Mahnı Müsabiqəsinə İsrailin qatılmamasının qadağan olunması üçün başlanan imza kampaniyasında bu günə qədər 600 mindən çox insan iştirak edib. Avaaz Qlobal Vətəndaşlıq Platformasında təşkil olunan kampaniya, İsrailin 2026-cı il Avroviziya Mahnı Müsabiqəsinə qatılmasına icazə verilməsindən sonra start götürüb. Kampaniyada bütün yayımlayıcılara və Avropa Yayım Birliyinə (EBU) müraciət edilərək, İsrailin iştirakının dərhal dayandırılması tələb olunub.

ABŞ Prezidenti Donald Trampın Qəzza zolağında yerləşdirilməsi nəzərdə tutulan Beynəlxalq Sabitlik Qüvvəsinə (BSQ) rəhbərlik etmək üçün ABŞ ordusunun general-mayor rütbəli zabitini təyin etməyi nəzərdən keçirdiyi bildirilir. Məlumat ABŞ mərkəzli “Axios” nəşrinə danışan iki amerikalı və iki israilli rəsmi şəxsə əsaslanır.

İsrail ordusunun Qəzza zolağına son 24 saatda endirdiyi hücumlar nəticəsində xəstəxanalara 4 fələstinlinin cəsədinin və 10 yaralının gətirildiyi Qəzza Səhiyyə Nazirliyi tərəfindən bildirilib. Açıqlamada qeyd olunub ki, 10 oktyabrda qüvvəyə minmiş atəşkəs razılaşması dövründə həyata keçirilən hücumlarda ümumilikdə 383 nəfər öldürülüb, 1002 nəfər yaralanıb və 627 nəfərin cəsədi dağıntılar altından çıxarılıb.

İsrail ordusu atəşkəsə baxmayaraq Qəzza Zolağının bir neçə bölgəsinə hücum edərkən 3-ü uşaq olmaqla 5 Fələstinlini həlak olub. Səhiyyə mənbələrindən əldə edilən məlumatlara görə, İsrail ordusu Qəzzanın cənub və şimal bölgələrinə hücumlar həyata keçirərkən hadisələrdə 3-ü uşaq olmaqla 5 Fələstinli həlak olub, 5 nəfər yaralanıb.

ABŞ Prezidenti Donald Tramp bildirib ki, Qəzza "Sülh Şurası"nın üzvlərinin siyahısı gələn ilin əvvəlində elan olunacaq. O, Şuranın qlobal liderlərdən ibarət olacağını qeyd edib.