BAKI,AzerVoice, Fərid Mikayılov

Qəzza xəstəxanalarının məlumatına görə, şənbə günü İsrailin həyata keçirdiyi hava zərbələri nəticəsində azı 12 fələstinli həlak olub.

AzerVoice xəbər verir ki, bu, oktyabr ayında döyüşlərin dayandırılması məqsədilə əldə olunan razılaşmadan sonra qeydə alınan ən yüksək itkilərdən biridir.

Zərbələr Qəzzanın həm şimalında, həm də cənubunda yerləşən əraziləri hədəf alıb. Qəzza şəhərində bir yaşayış binası, Xan Yunisdə isə çadır düşərgəsi vurulub. Xəstəxana rəsmilərinin bildirdiyinə görə, ölənlər arasında iki qadın və iki fərqli ailədən altı uşaq da var.

Şifa Xəstəxanası Qəzza şəhərindəki zərbə nəticəsində bir ana, üç uşaq və onların bir qohumunun öldüyünü açıqlayıb. Nasser Xəstəxanası isə çadır düşərgəsinə edilən hücumun yanğına səbəb olduğunu və nəticədə bir ata, onun üç övladı və üç nəvəsi daxil olmaqla yeddi nəfərin həyatını itirdiyini bildirib.

Qəzza Səhiyyə Nazirliyinin məlumatına əsasən, oktyabrın 10-da elan edilən atəşkəsdən bəri İsrail atəşi nəticəsində 500-dən çox fələstinli həlak olub.