BAKI, AzerVoice
Türkiyənin THY Avropa Liqasındakı təmsilçisi Fenerbahçe Beko, Fransanın Monako komandasını 81:70 hesabı ilə məğlub edərək turnirin qalibi olub. Sarı-lacivərdlilər 8 illik fasilədən sonra ikinci dəfə Avropa çempionluğunu qazandılar.
AzerVoice xəbər verir ki, Birləşmiş Ərəb Əmirliklərinin paytaxtı Əbu-Dabidə yerləşən Etihad Arenada keçirilən final qarşılaşmasında Fenerbahçe Beko rəqibi Monako üzərində üstün oyun sərgiləyərək qələbə qazanıb və kuboku başı üzərinə qaldırıb.
Fenerbahçe Beko, 2017-ci ildə İstanbulda keçirilən Dördlü Final mərhələsində ilk dəfə Avropa kubokunu qazanmışdı. Bu il isə klub tarixində ikinci dəfə Avropanın ən güclüsü oldu.
Monako isə tarixində ilk dəfə çıxdığı Avropa Liqası finalında məğlub olaraq gümüş medalla kifayətlənib.