BAKI, AzerVoice
Bu ilin əvvəlindən bəri Qəzza zolağında İsrailin həyata keçirdiyi hücumlar nəticəsində humanitar yardım gözləyən 1 239 nəfər öldürülüb.
AzerVoice xəbər verir ki, bu barədə Fələstin Səhiyyə Nazirliyi məlumat yayıb.
Qeyd edək ki, 7 oktyabr 2023-cü ildə Qəzza zolağında müharibə başladıqdan bəri İsrail, bölgədə yaşayan fələstinlilərə qarşı aclıq siyasəti aparır. İsrail martın 2-də humanitar yardımın çatdırılmasını dayandırmaqla bu siyasəti daha da sərtləşdirib. Bu isə bölgədə aclığın yayılmasına və vəziyyətin fəlakətli həddə çatmasına səbəb olub.
Son məlumata görə, 2023-cü il oktyabrın 7-dən bu yana aclıq və qida çatışmazlığından 154 nəfər həyatını itirib. Onlardan 89-u uşaqdır.
Bundan əvvəl bildirilmişdi ki, İsrail ordusu bu gün əksəriyyəti humanitar yardım almağa çalışan insanlar olmaqla 12 fələstinlini öldürüb.