BAKI, AzerVoice
2025–2026 mövsümünə çempionluq hədəfi ilə hazırlaşan "Beşiktaş", iddialara görə, Portuqaliya təmsilçisi "Porto"da çıxış edən türkiyəli hücumçu Deniz Gülü transfer etmək niyyətindədir.
AzerVoice xəbər verir ki, yeni mövsümdə həm hücum xəttini möhkəmləndirmək istəyən "Beşiktaş", 20 yaşlı forvard üçün yaxın zamanda danışıqları intensivləşdirəcək.
Mənbələrə görə, "Beşiktaş" yaxın vaxtlarda "Porto" klubuna rəsmi təklif göndərəcək. Əgər oyunçu ilə razılıq əldə olunarsa, transfer baş tutacaq. İstanbul nəhənginin bu transfer üçün 4 milyon avro təklif etməyə hazır olduğu bildirilib. Lakin "Porto" klubunun gənc hücumçu üçün ən azı 5 milyon avrodan yuxarı təklifləri dəyərləndirməyə açıq olduğu qeyd olunub.
Qeyd edək ki, hazırda bazar dəyəri 4,5 milyon avro olan Deniz Gül, bu mövsüm "Porto"da 23 oyunda çıxış edərək iki qol vurub. Onun "Porto" ilə olan müqaviləsi 30 iyun 2029 tarixinə qədər qüvvədədir.
