14
BAKI, AzerVoice
Türkiyə Super Liqasında Beşiktaşdan ayrıldıqdan sonra Hatayspora keçən Kamerunlu hücumçu Vincent Aboubakar Qarabağa transfer ola bilər.
AzerVoice xəbər verir ki, futbolçu, Hataysporun liqanı tərk etməsinin ardından klubla müqaviləsini qarşılıqlı şəkildə ləğv edib.
Aboubakar hazırda Azərbaycan Premyer Liqası çempionu olan Qarabağ FK ilə danışıqlara başlayıb.
Beşiktaşdan qalmaqallı şəkildə ayrılan və Hatayspor forması ilə 8 qol, 1 assistlə yadda qalan təcrübəli futbolçunun Ağdam təmsilçisi ilə qısa zamanda rəsmi müqavilə imzalayacağı gözlənilir.
Qeyd edək ki, Abubakar daha əvvəl də Azərbaycandan təkliflər aldığını açıqlayıb. Onun Qarabağa keçidi baş tutarsa, bu, həm klub, həm də ölkə futbolu üçün mühüm transfer hesab oluna bilər.
