İsrail ordusunun Qəzza zolağına həyata keçirdiyi hücumlar nəticəsində həlak olanların sayının 71 min 409 nəfərə yüksəldiyi bildirilib. Qəzzadakı Səhiyyə Nazirliyi tərəfindən yayımlanan yazılı açıqlamada İsrailin hücumları nəticəsində qeydə alınan itkilər və dağıntılar altından çıxarılan yeni cəsədlərlə bağlı son məlumatlar paylaşılıb. Məlumata görə, İsrail hücumları nəticəsində həyatını itirən 14 fələstinlinin nəşi xəstəxanalara çatdırılıb, hücumlar zamanı 17 nəfər yaralanıb.

İranın ali rəhbəri Ayətullah Əli Xamenei ölkədə davam edən etiraz aksiyalarına münasibət bildirərək ABŞ Prezidenti Donald Trampın açıqlamalarını sərt şəkildə tənqid edib. 86 yaşlı İran lideri çıxışında bildirib ki, Vaşinqton Tehran üzərində təzyiq dili ilə danışmamalıdır və ABŞ rəhbərliyi əvvəlcə öz daxili problemlərinə fokuslanmalıdır.

İran İnsan Haqları Aktivistləri Xəbər Agentliyi (HRANA) ölkədə iqtisadi çətinliklər səbəbindən başlayan etirazlarda ölənlərin sayının 42-yə yüksəldiyini açıqlayıb. ABŞ mərkəzli HRANA-nın saytında yayımlanan məlumata görə, 12 gündür davam edən etirazlar İranın 31 əyalətində baş verib. Bu müddət ərzində 5-i 18 yaşından kiçik olmaqla 34 etirazçı və təhlükəsizlik qüvvələrindən 8 nəfər həyatını itirib. Ümumilikdə 2 277 nəfər saxlanılıb. Yaralanmaların əksəriyyəti isə saçma və plastik mərmilərdən qaynaqlanıb.

Dekabr ayının sonlarında başlayan etiraz aksiyaları cümə axşamı etibarilə İranın 31 əyalətinin hamısına yayılıb. Paytaxt Tehranla yanaşı, Kirmanşah, Abadan, Təbriz və Şiraz kimi böyük şəhərlərdə minlərlə insan küçələrə çıxıb. Norveç mərkəzli İran İnsan Haqları (IHR) təşkilatı etirazların başladığı gündən bəri təhlükəsizlik qüvvələri tərəfindən azı 45 etirazçının, o cümlədən 8 uşağın öldürüldüyünü açıqlayıb.

Qrenlandiyanın Şimal qütb dairəsi üzərində yerləşməsi onu dünyanın ən böyük adası kimi təhlükəsizlik strategiyalarının əsas elementinə çevirir.Artan beynəlxalq gərginlik, iqlim dəyişikliyi və qlobal iqtisadiyyatda baş verən transformasiyalar Qrenlandiyanı dünya ticarəti və təhlükəsizliyi ilə bağlı müzakirələrin mərkəzinə gətirib. ABŞ prezidenti Donald Tramp mineral ehtiyatlarla zəngin olan və Arktika ilə Şimali Atlantik üzərindən Şimali Amerikaya aparan marşrutların qorunmasında mühüm rol oynayan bu adaya ölkəsinin nəzarətini təmin etməyə çalışır.

ABŞ Senatı Prezident Donald Tramp-ın Venesuelaya qarşı əlavə hərbi əməliyyatlar aparmaq səlahiyyətini Konqresin icazəsi olmadan davam etdirməsinin qarşısını almaq məqsədilə hazırlanan qətnaməni irəli aparıb. Bu, Senatın 100 üzvü arasında prosedur səsvermədə 52–47 hesabı ilə dəstəklənib.

Avropa İttifaqının rəsmi şəxsləri və diplomatları ABŞ prezidenti Donald Tramp administrasiyasının Qrenlandiyaya nəzarət cəhdlərinə qarşı mümkün cavab addımlarını müzakirə edir. Mənbələrin bildirdiyinə görə, Brüsseldə paralel şəkildə bir neçə ssenari üzərində iş aparılır. Müzakirə edilən variantlardan biri Qrenlandiyaya Avropa İttifaqı tərəfindən ayrılan maliyyə vəsaitinin əhəmiyyətli dərəcədə artırılmasını nəzərdə tutur. Avropa Komissiyasının layihəsinə əsasən, uzunmüddətli büdcə çərçivəsində xərclərin iki dəfədən çox artırılması planlaşdırılır. 2028-ci ildən başlayaraq yeddi illik dövr üçün təxminən 530 milyon avro ayrılması müzakirə mövzusudur.

ABŞ-li senator Lindsi Qrem çərşənbə günü bildirib ki, ABŞ Prezidenti Donald Tramp “ucuz Rusiya neftinin alınmasına” qarşı sanksiyaların tətbiqini nəzərdə tutan qanun layihəsini təsdiqləyib. Senator Qrem Tramp ilə keçirdiyi görüşdən sonra ABŞ mərkəzli X şirkətinin sosial media platformasındakı hesabında paylaşım edib.“Çox məhsuldar bir görüşdən sonra (Tramp) aylardır senator Blumental və bir çox digər şəxslərlə birlikdə üzərində çalışdığım iki partiyalı Rusiya sanksiyaları layihəsini təsdiqlədi.” - deyə Qrem vurğalayıb.

ABŞ prezidenti Donald Tramp Kolumbiya prezidenti Qustavo Petro ilə telefon danışığı apardığını və tezliklə Ağ Evdə onunla görüşmək niyyətində olduğunu bildirib. Bu barədə D.Tramp "Truth Social" sosial şəbəkəsində yazıb.

Etirazlar Tehranda, xüsusilə “Böyük Bazar” ərazisində genişlənib. Tacirlərin ardıcıl ikinci gündür tətili davam edir, zərgərlik, parça və xalça bölmələrində mağazalar bağlanıb. “15 Xordad” meydanı və zərgərlər bazarı ətrafında metal qapıların endirildiyini göstərən foto və videolar yayılıb; bazara aparan keçid və küçələrdə gücləndirilmiş təhlükəsizlik tədbirləri müşahidə olunur.

Danimarka mətbuatı ABŞ Prezidenti Donald Trampın Qrenlandiya ilə bağlı açıqlamalarından sonra 1952-ci ilə aid məxfi hərbi sənədi ictimaiyyətə açıqlayıb. Sənədə əsasən, Danimarka Silahlı Qüvvələri milli ərazilərə yönələn mümkün hücum zamanı rəsmi müharibə elanını və ya siyasi rəhbərliyin ayrıca göstərişini gözləmədən dərhal hərbi cavab vermək səlahiyyətinə malikdir.

ABŞ-ın xüsusi təyinatlı qüvvələri Venesuela ilə əlaqələndirilən, Rusiya bayrağı altında üzən “Marinera” neft tankerini Şimali Atlantikdə ələ keçirib. ABŞ-ın Avropa Komandanlığı tankerə nəzarətin ABŞ sanksiyalarının pozulması iddiası ilə götürüldüyünü bildirib. Məlumata görə, tanker daha əvvəl “Bella-1” adı ilə tanınıb və ABŞ tərəfi onu sanksiyalardan yayınmaqda istifadə edilən “kölgə donanması”nın tərkib hissəsi kimi təqdim edir. ABŞ rəsmiləri bildiriblər ki, tanker Venesuelaya gedib-gələn sanksiyalı gəmilərə qarşı dəniz məhdudiyyətlərini yarıb və Sahil Mühafizəsinin göyərtəyə çıxmaq cəhdlərini rədd edib.

ABŞ-da Venesuela Prezidenti Nikolas Maduronun zorla saxlanılması, Vaşinqtonun Venesuela üzərində “müvəqqəti idarəetmə” ritorikası və qonşu ölkələrə mümkün güc tətbiqinə dair eyhamlar ABŞ-ın regiona yanaşmasında kəskin dönüşü göstərir. Donald Tramp administrasiyası bu addımları narkotik ticarəti və “narko-terrorizm”lə mübarizə çərçivəsində əsaslandırır. Bununla belə, baş verənlər Birləşmiş Millətlər Təşkilatının çərçivəsindən kənar güc tətbiqi ilə bağlı presedent müzakirələrini gücləndirir və regionda təhlükəsizlik balansına dair suallar yaradır.

ABŞ Dövlət Katibi Marko Rubio, Prezident Donald Tramp administrasiyasının Qrenlandiyanı “işğal etməyi deyil, satın almayı hədəflədiyini” bildirib. Rubio Konqres üzvlərinə Venesuelaya müdaxilə mövzusunda etdiyi brifinqdə, Trampın Qrenlandiya planlarına dair açıqlamalarından bəhs edib. Konqres üzvlərinin, Trampın Siyasət və Daxili Təhlükəsizlik üzrə müşavir Yardımçısı Stiven Miller kimi yüksək səviyyəli rəsmilərin “agressiv açıqlamaları” səbəbindən Grönlandla bağlı verdikləri suallara Rubio, Trampın Qrenlandiyanı “satın almaq istədiyini” bildirib.

Delsi Eloina Rodriges Qomes (18 may 1969-cu il təvəllüdlü) — venesuelalı hüquqşünas, diplomat və siyasətçidir. O, 5 yanvar 2026-cı ildə, ABŞ-ın Venesuela Prezidenti Nikolas Maduronu saxlamasından iki gün sonra Venesuelanın müvəqqəti prezidenti kimi and içib. Rodriges 2018–2026-cı illərdə Venesuelanın vitse-prezidenti olub və Uqo Çaves və Nikolas Maduronun prezidentlikləri dövründə bir sıra yüksək dövlət vəzifələrində çalışıb. Delsi Rodriges Venesuelanın hakim partiyası olan Venesuela Birləşmiş Sosialist Partiyasının (PSUV) milli rəhbərliyinin üzvüdür. Avropa İttifaqı, Amerika Birləşmiş Ştatları və Kanada onu insan hüquqlarının pozulması və ölkədəki siyasi böhrandakı roluna görə sanksiyalara məruz qoyub. Onun vitse-prezidentliyi 2019–2023-cü illərdə beynəlxalq səviyyədə mübahisəli hesab edilib. Bununla yanaşı, Rodriges ağır ABŞ sanksiyaları şəraitində Venesuela iqtisadiyyatının sabitləşdirilməsi və neft hasilatının artırılmasında əsas fiqurlardan biri kimi təqdim olunur.

Kolumbiyanın xarici işlər naziri Rosa Yolanda Villavicencio ölkəsinin suverenliyinə qarşı istənilən xarici təcavüzə hərbi cavab veriləcəyini bəyan edib. Nazir bu açıqlama ilə ABŞ Prezidenti Donald Trampın son bəyanatlarına reaksiya verib. Villavicencio çərşənbə axşamı keçirdiyi mətbuat konfransında beynəlxalq hüquqa əsasən dövlətlərin özünümüdafiə hüququna malik olduğunu vurğulayıb.

Yanvarın 5-də Azərbaycan Prezidenti İlham Əliyevin yerli televiziya kanallarına verdiyi müsahibə Azərbaycanın siyasi və iqtisadi gündəminin gələcək konturlarını cızan çıxışlardan oldu.

ABŞ Prezidenti Donald Tramp Venesuelada 30 gün ərzində yeni seçkilərin keçirilə bilməyəcəyini açıqlayıb. O bildirib ki, əvvəlcə ölkə “sabitləşdirilməli”dir. Tramp həmçinin ABŞ-ın ölkədə uzunmüddətli rol oynayacağını söyləyib. Tramp NBC News-ə verdiyi müsahibədə qeyd edib ki, ABŞ-ın hərbi müdaxiləsi ilə Venesuela Prezidenti Nikolas Maduronun saxlanmasından sonra Vaşinqton ölkədə uzunmüddətli rol oynayacaq.

İranda bir həftədən uzun davam edən etirazlarda 35 nəfər həyatını itirib, 1 200-dən çox insan saxlanılıb. Etirazlar ölkənin 27 vilayətində davam edir. İranda baş verən etirazlarda ölənlərin sayı azı 35-ə çatıb. Ölümlər arasında 29 etirazçı, 4 uşaq və İran təhlükəsizlik qüvvələrinin 2 üzvü var. ABŞ-ın İnsan Haqları Fəalları Xəbər Agentliyi (HRANA) məlumat verib ki, etirazlarda 1 200-dən çox insan saxlanılıb.

Amerikadakı anti-Azərbaycan qüvvələrin, erməni lobbisinin fəaliyyəti nəticəsində qəbul olunan 907-ci düzəlişin ABŞ ilə Azərbaycan arasında genişmiqyaslı münasibətlərin qurulmasına imkan vermədiyini qeyd edən dövlətimizin başçısı artıq bu məhdudiyyətin aradan qaldırıldığını vurğulayaraq deyib: “Bunun təbii ki, iki əsas səbəbi var: Birincisi, Azərbaycan-Ermənistan müharibəsinin rəsmən sona çatması, ikincisi, Amerikada Prezident Tramp administrasiyasının hakimiyyətdə olması. Bu administrasiya çox praqmatik, çox peşəkar və Amerikanın milli maraqlarının nə olduğunu çox yaxşı bilən üzvlərdən ibarətdir, Prezident başda olmaq şərti ilə”.

Kolumbiya Prezidenti Gustavo Petro ABŞ Prezidenti Donald Trump tərəfindən səsləndirilən hədələr fonunda ölkəsinin suverenliyini müdafiə etməyə hazır olduğunu bildirib. Prezident Petro sosial şəbəkə paylaşımında qeyd edib ki, ABŞ-ın Venesuelada həyata keçirdiyi son müdaxilə kimi hər hansı zorakı addım Kolumbiyaya qarşı atılarsa, bu, cavabsız qalmayacaq. Onun sözlərinə görə, zərurət yaranacağı təqdirdə ölkəsini qorumaq üçün silaha əl atmağa hazırdır.

ABŞ-ın Venesuela Prezidenti Nikolas Maduronun zorla ölkədən çıxarıldığını açıqlamasından bir neçə saat sonra İsrail siyasətçisi Yair Lapid Tehrana açıq xəbərdarlıq edib. O bildirib ki, İran hakimiyyəti Venesuelada baş verənlərə diqqətlə baxmalıdır. Analitiklərin fikrincə, ABŞ Prezidenti Donald Trampın Maduronu hakimiyyətdən kənarlaşdırması Vaşinqtonun İranla müharibə ehtimalını daha da artırır. Bu addım Trampın İsrailin Baş naziri Benyamin Netanyahu ilə görüşündən və İrana qarşı yeni zərbələr endirilə biləcəyi barədə açıqlamalarından az sonra baş verib.

İsveçrə Federal şurası, ABŞ tərəfindən alıdılan Venezuela Prezidenti Nikolas Maduro və onunla əlaqəli şəxslərin İsviçrə ərazisindəki bütün mal-mülkünü dondurma qərarı alıb.

Nikolas Maduro həyat yoldaşı ilə bilrikdə ABŞ-nin Manhetten məhkəmə binasına aparılıb.