BAKI,AzerVoice, Nailə Babazadə

ABŞ Dövlət Katibi Marko Rubio, Prezident Donald Tramp administrasiyasının Qrenlandiyanı “işğal etməyi deyil, satın almayı hədəflədiyini” bildirib.

AzerVoice xəbər verir ki, Rubio Konqres üzvlərinə Venesuelaya müdaxilə mövzusunda etdiyi brifinqdə, Trampın Qrenlandiya planlarına dair açıqlamalarından bəhs edib.

Konqres üzvlərinin, Trampın Siyasət və Daxili Təhlükəsizlik üzrə müşavir Yardımçısı Stiven Miller kimi yüksək səviyyəli rəsmilərin “agressiv açıqlamaları” səbəbindən Grönlandla bağlı verdikləri suallara Rubio, Trampın Qrenlandiyanı “satın almaq istədiyini” bildirib.

Rubio rəsmi şəxslərin Qrenlandiya ilə bağlı ifadələrinin “tezliklə baş tutacaq bir işğalın siqnalını vermədiyini”, əsl hədəfin Adanın Danimarkadan alınması olduğunu vurğulayıb.

Lakin Ağ Ev Tramp administrasiyasının Qrenlandiyanı əldə etmək üçün “ABŞ ordusundan istifadə daxil olmaqla” müxtəlif variantları nəzərdən keçirdiyini açıqlamışdı.

Tramp 5 yanvarda, milli təhlükəsizlik səbəblərinə istinad edərək, Qrenlandiyaya sahib olmanın vacib olduğunu və bunun xüsusilə Rusiya və Çin qarşısında bir təhlükəsizlik prioriteti təşkil etdiyini ifadə etmişdi.

ABŞ Prezidenti Tramp, seçildikdən və vəzifəyə başladıqdan sonra Qrenlandiyanın ABŞ nəzarətində olmasının zəruriliyini dəfələrlə qeyd edərək, Adanın mülkiyyəti və idarə olunmasının “mütləq vacib” olduğunu vurğulamışdı.

O, ABŞ-ın Qrenlandiyanı sahib olmasının “azad dünyanı qorumaq” üçün lazım olduğunu iddia etmiş və bu açıqlamalar Qrenlandiya rəsmiləri və bir çox tərəfdən tənqidlə qarşılanmışdı.

O dövrdə Qrenlandiya Baş Naziri Mute Burup Eqede isə “Qrenlandiya, Qrenlandiya xalqına aiddir. Biz satıla bilmərik və heç vaxt satılmayacağıq. Uzun müddət davam edən azadlıq mübarizəmizi itirməyəcəyik” deyə açıqlama vermişdi.

Danimarka Krallığına bağlı Farer adaları ilə birlikdə iki muxtar bölgədən biri olan Qrenlandiya, Danimarkaya 2 min 900 kilometr məsafədə yerləşir.