BAKI, AzerVoice, Nailə Babazadə

İran İnsan Haqları Aktivistləri Xəbər Agentliyi (HRANA) ölkədə iqtisadi çətinliklər səbəbindən başlayan etirazlarda ölənlərin sayının 42-yə yüksəldiyini açıqlayıb.

AzerVoice xəbər verir ki, ABŞ mərkəzli HRANA-nın saytında yayımlanan məlumata görə, 12 gündür davam edən etirazlar İranın 31 əyalətində baş verib. Bu müddət ərzində 5-i 18 yaşından kiçik olmaqla 34 etirazçı və təhlükəsizlik qüvvələrindən 8 nəfər həyatını itirib. Ümumilikdə 2 277 nəfər saxlanılıb. Yaralanmaların əksəriyyəti isə saçma və plastik mərmilərdən qaynaqlanıb.

İran rəsmilərindən ölən və ya yaralananlarla bağlı rəsmi açıqlama verilməyib. HRANA-nın bir gün əvvəl yaydığı hesabatda ölənlərin sayı 38, həbs olunanların sayı isə 2 217 olaraq göstərilmişdi.

Etirazlar 28 dekabr 2025-ci il tarixində Tahran bazarında yerli valyutanın dollar qarşısında dəyər itirməsi və iqtisadi problemlər səbəbindən başlandı və qısa müddətdə ölkənin bir çox şəhərinə yayıldı. Tasnim Xəbər Agentliyi məlumatına görə, etirazlar zamanı 568 polis və 66 milis (Besic) yaralanıb.

ABŞ Prezidenti Donald Tramp etirazlarla bağlı açıqlamasında, etirazçılar öldürülərsə ABŞ-ın yardım edəcəyini və Tehran hakimiyyətinə ciddi zərbə vuracağını bildirmişdi. Devrim Qvardiyası isə 5 yanvar tarixində etirazçılara qarşı mülayim yanaşmayacaqlarını açıqlamışdı.