Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı baş tutub. Telefon danışığında ikitərəfli münasibətlər də diqqət mərkəzində olub. Tərəflər Rusiya və Türkiyə arasında ticarət və investisiya əlaqələrinin genişləndirilməsi məsələlərini müzakirə ediblər.

İranın müdafiə naziri Əziz Nəsirzadə İsrailin 12 günlük hücumlarından sonra ölkəsinin “üstün xüsusiyyətlərə” malik yeni raketlər istehsal etdiyini bəyan edib. Tasnim Xəbər Agentliyinin məlumatına görə, Nəsirzadə Müdafiə Sənayesi Günündə çıxışı zamanı “12 günlük müharibədə istifadə olunan raketlər illər əvvəl istehsal olunmuşdu. Hazırda isə əvvəlkilərdən qat-qat üstün xüsusiyyətlərə malik yeni raketlər hazırlanıb” - deyə bildirib. Nazir əlavə edib ki, İsrailin yeni hücumu halında bu raketlərdən istifadə olunacaq.

ABŞ prezidenti Donald Tramp Birləşmiş Qərargah Rəisləri Komitəsinin sədri Den Keynə Avropa ölkələrinin rəhbərlik etdiyi “Çoxmillətli Ukrayna” koalisiyası üçün “NATO-ya bənzər təhlükəsizlik zəmanətləri” hazırlamağı tapşırıb. “The Wall Street Journal”ın məlumatına görə, bu tapşırıq Trampın avqustun 15-də Rusiya prezidenti Vladimir Putinlə nəticəsiz görüşündən sonra verilib. Rəsmilər bildiriblər ki, Keyn bu tapşırığı Böyük Britaniya, Fransa və Almaniyanın rəhbərlik etdiyi koalisiyanın təhlükəsizlik mexanizmlərini qurmaq üçün alıb. Tramp Fox News-a verdiyi müsahibədə Avropa liderlərinin ABŞ-dan daha çox müharibəyə cəlb olunduğunu qeyd edərək, “Bu bir növ təhlükəsizlik olacaq, lakin bu NATO ola bilməz; heç vaxt olmayacaq”- deyə bildirib.

Tramp radio aparıcısı Mark Levinlə müsahibəsində Netanyahunun Qəzzadakı hərbi əməliyyatlara görə məsuliyyət daşımasına baxmayaraq, onu müdafiə edib. “O, yaxşı insandır, döyüşür. Birlikdə işlədiyim üçün müharibə qəhrəmanıdır. Mən də eləyəm, düşünürəm”.- deyə bildirib. Tramp BCM-nin Netanyahuya qarşı həbs qərarına, yoxsa İsraildəki korrupsiya işinə istinad etdiyini dəqiqləşdirməyib. O, həmçinin İranın nüvə obyektlərinə qarşı ABŞ hücumlarının “uğurlu” olduğunu da vurğulayıb. Qeyd edək ki, BCM 2024-cü il 21 noyabr tarixində Netanyahu və keçmiş müdafiə naziri Yoav Gallant barəsində Qəzzada törədilən hərbi cinayətlər və insanlığa qarşı cinayətlərə görə həbs orderi çıxarıb. Netanyahu ölkəsində 2019-cu ildən bəri davam edən korrupsiya ittihamları ilə də mühakimə olunur. Tramp isə bu məhkəmələrin ləğvini tələb edib.

Tramp Zelenski və Avropa liderləri ilə görüşdən sonra Ukraynaya çoxmillətli qüvvələrin göndərilməsi ideyasını gündəmə gətirib. ABŞ ordusunun quru qoşunlarını yerləşdirməyəcəyini bildirən Tramp, hava hücumundan müdafiə, döyüş təyyarələri və kəşfiyyat imkanları ilə Avropa qoşunlarını dəstəkləmək variantlarını nəzərdən keçirdiklərini vurğulayıb. Müzakirələrdə Putinin iştirakı ilə sammit üçün üç şəhərin adı çəkilir: Budapeşt, Cenevrə və Moskva. Macarıstanın seçilməsi Zelenski üçün riskli hesab olunur, çünki baş nazir Viktor Orban Putinin yaxın müttəfiqi sayılır. Fransa prezidenti Emmanuel Makron isə Cenevrəni ən uyğun seçim kimi təqdim edib. Rusiya isə sammitin Moskvada keçirilməsini gündəmə gətirib.

ABŞ Ukraynaya veriləcək təhlükəsizlik zəmanətləri çərçivəsində bu ölkənin ərazisinə hərbi qüvvə göndərməyəcək. Bu barədə Ağ Evin mətbuat katibi Kerolayn Livitt açıqlama verib.

ABŞ-ın vitse-prezidenti Cey Di Vens, dövlət katibi Marko Rubio və prezidentin xüsusi elçisi Stiven Uitkoff Rusiya və Ukrayna ilə əlaqələri koordinasiya edəcək və yaxın zamanda Rusiya prezidenti Vladimir Putinlə Ukrayna prezidenti Volodimir Zelenskinin görüşünün təşkilinə çalışacaqlar. Bu barədə Ağ Evin mətbuat katibi Kerolayn Livitt jurnalistlər üçün keçirilən brifinqdə məlumat verib.

ABŞ, Avropa ölkələri və Ukrayna Kiyevə təhlükəsizlik təminatları ilə bağlı təklif hazırlamaq üçün xüsusi komissiya yaradıb. Bu barədə “Axios” portalı mənbələrə istinadən məlumat yayıb.

Böyük Britaniya müharibə başa çatdıqdan sonra Ukraynada seçkilərin keçirilməsinə dəstək göstərəcək. Bu barədə “Express” nəşri Ukrayna Mərkəzi Seçki Komissiyasının sədri Oleq Didenkoya istinadən xəbər yayıb.

Türkiyənin xarici işlər naziri Hakan Fidan ilə ABŞ dövlət katibi Marko Rubio arasında telefon danışığı olub. Söhbət zamanı ABŞ prezidenti Donald Trampın Rusiya prezidenti Vladimir Putinlə Alyaskada keçirdiyi görüş, həmçinin Ukrayna prezidenti Volodimir Zelenski və Avropa liderlərinin iştirakı ilə Vaşinqtonda keçirilən iclasın nəticələri müzakirə edilib.

Litva prezidenti Gitanas Nauseda Avropa İttifaqını (Aİ) Ukraynanın 2030-cu ildə quruma qəbul edilməsini rəsmiləşdirməyə çağırıb. Nauseda bu barədə “istəklilər koalisiyası”na daxil olan ölkələrin liderlərinin videokonfransında çıxış edərkən danışıb.

ABŞ Prezidenti Donald Tramp Krımın Ukraynaya qaytarılmasının, eləcə də ölkənin NATO-ya üzvlüyünün mümkün olmadığını bəyan edib.

ABŞ prezidenti Donald Tramp potensial Rusiya–Ukrayna razılaşması ilə bağlı açıqlama verib. O bildirib ki, Ukraynanın Avropa ilə Rusiya arasında “bufer” rolunu oynayacağını düşündüyünü, lakin NATO üzvlüyünün gündəmdə olmadığını qeyd edib. Tramp çıxışında “Vaxt itirmək istəmirəm. Sadəcə bu müharibəni bitirmək istəyirəm” deyərək, münaqişənin həlli üçün sürətli nəticə əldə etmək istədiyini vurğulayıb. “Ola bilsin ki, Putin razılaşmaq istəmir. Bir neçə həftə ərzində Putin haqqında daha çox məlumat əldə edəcəyik” - deyə o bildirib.

Ukraynanın xarici işlər naziri Andrii Sybiha ABŞ, Rusiya və Ukrayna liderləri arasında aparılan danışıqların sülh prosesində mühüm dönüş nöqtəsinə çevrilə biləcəyini bildirib. Nazir sosial şəbəkədəki açıqlamasında ABŞ prezidenti Donald Tramp, Ukrayna prezidenti Vladimir Zelenski və Avropa liderləri ilə keçirilən görüşün sülh istiqamətində intensiv müzakirələrlə yadda qaldığını vurğulayıb. O, Rusiyanın hücumlarının davamlı sülh və təhlükəsizlik zəmanətlərinə ehtiyacı daha da ön plana çıxardığını qeyd edib.

Kremlin xarici siyasət müşaviri Yuri Uşakovun sözlərinə görə, ABŞ prezidenti Donald Trampın təşəbbüsü ilə reallaşan telefon danışığı təxminən 40 dəqiqə davam edib. Uşakov bildirib ki, Rusiya prezidenti Vladimir Putin Trampa Alyaska sammitində göstərilən qonaqpərvərliyə və Ukrayna böhranının sülh yolu ilə həlli istiqamətində irəliləyişlərə görə təşəkkürünü çatdırıb. Onun sözlərinə görə, Tramp Putinə Ağ Evdə Ukrayna prezidenti Vladimir Zelenski və Avropa liderləri ilə keçirilən görüşlər barədə məlumat verib. Liderlər Rusiya və Ukrayna nümayəndə heyətləri arasında dialoqun davam etdirilməsini dəstəkləyib və danışıqlar səviyyəsinin yüksəldilməsi imkanlarını müzakirə ediblər.

Şimali Koreya lideri Kim Çen In ABŞ və Cənubi Koreya ordularının ortaq hərbi təlimlərini kəskin tənqid edərək, ölkəsinin nüvə gücünü daha da genişləndirəcəyini bəyan edib.

ABŞ prezidenti Donald Trampın Oval Ofisdə Avropa liderləri ilə görüş zamanı çəkilən fotolar sosial mediada geniş müzakirələrə səbəb olub.

Fransa prezidenti Emmanuel Makron Rusiya lideri Vladimir Putinlə Ukrayna prezidenti Volodimir Zelenski arasında mümkün görüşün İsveçrənin Cenevrə şəhərində keçirilə biləcəyini bildirib.

Alyaskadan sızan məlumatlara görə, Rusiya Donetsk və Luqanskdan ibarət Donbas bölgəsinə tam nəzarət etmək istəyir. Hazırda Luqanskin böyük hissəsini ələ keçirən Moskva Donetskin 6600 kvadrat kilometr ərazisinin də nəzarətinə iddia edir. Bunun əvəzində Rusiya Xarkov və Sumı vilayətlərində işğal etdiyi təxminən 450 kvadrat kilometrdən geri çəkilməyə hazır olduğunu bildirir. Həmçinin Xerson və Zaporojya vilayətlərindəki cəbhə xəttinin sərhəd kimi tanınmasını təklif edir.

ABŞ prezidenti Donald Tramp rusiyalı həmkarı Vladimir Putinə Ukrayna ilə bağlı aparılan danışıqlarda nümayəndə heyətlərinin səviyyəsinin yüksəldilməsi barədə təklif verib.

İranın dini lider Əli Xameneinin hərbi müşaviri Yəhya Rəhim Səfəvi bildirib ki, İsraillə yeni müharibə başlaya bilər və bunun ardınca bəlkə də başqa müharibə olmayacaq.

Tramp Ukrayna prezidenti Vladimir Zelenski və Avropa liderləri ilə Ağ Evdə keçirilən sammitdən sonra maraqlı anla yadda qalıb. O, mikrofonunun açıq olduğunu unudaraq Fransa prezidenti Emmanuel Makrona Rusiya prezidenti Vladimir Putinlə bağlı “Bu, çılğın səslənir, amma Putin mənim üçün bir sövdələşmə edəcək” deyib. Məsələ ilə bağlı nə ABŞ, nə də Fransa tərəfindən rəsmi açıqlama verilməyib. Lakin yayılan kadrlar sosial şəbəkələrdə və beynəlxalq mediada geniş rezonans doğurub.

Böyük Britaniyanın baş naziri Kir Starmer bildirib ki, ABŞ prezidenti Donald Tramp, Ukrayna lideri Volodimir Zelenski və Avropa siyasətçilərinin iştirakı ilə baş tutan danışıqlar yaxşı keçib və real irəliləyiş əldə olunub.

Rutte bu barədə ABŞ prezidenti Donald Tramp, Ukrayna prezidenti Vladimir Zelenski və Avropa liderləri ilə Ağ Evdə keçirilən görüşdən sonra Fox News-a açıqlama verib. Onun sözlərinə görə, son aylarda təhlükəsizlik təminatları ilə bağlı müzakirələr aparılır və Vaşinqtonun bu prosesdəki rolu yaxın günlərdə dəqiqləşdiriləcək. Rutte Trampın Putinlə dialoqa başlayaraq “dalanı həll etdiyini” və Rusiyaya təzyiq göstərdiyini vurğulayaraq, görüşü “çox uğurlu” adlandırıb.