BAKI, AzerVoice, Nərmin Ağayeva
ABŞ prezidenti Donald Trampın Fransa lideri Makronla bağlı səs yazısı dünya gündəminə düşüb.
AzerVoice xəbər verir ki, Tramp Ukrayna prezidenti Vladimir Zelenski və Avropa liderləri ilə Ağ Evdə keçirilən sammitdən sonra maraqlı anla yadda qalıb. O, mikrofonunun açıq olduğunu unudaraq Fransa prezidenti Emmanuel Makrona Rusiya prezidenti Vladimir Putinlə bağlı “Bu, çılğın səslənir, amma Putin mənim üçün bir sövdələşmə edəcək” deyib.
Məsələ ilə bağlı nə ABŞ, nə də Fransa tərəfindən rəsmi açıqlama verilməyib. Lakin yayılan kadrlar sosial şəbəkələrdə və beynəlxalq mediada geniş rezonans doğurub.
Qeyd edək ki, Tramp Ağ Evdə Zelenski və Avropa İttifaqı liderləri ilə Ukrayna-Rusiya sülh prosesini müzakirə edib. Sammitdən sonra Tramp, Zelenski və Aİ nümayəndələrinin birgə şəkil çəkdirməsi də diqqət çəkib.
