BAKI, AzerVoice, Fərid Mikayılov
ABŞ Prezidenti Donald Tramp Krımın Ukraynaya qaytarılmasının, eləcə də ölkənin NATO-ya üzvlüyünün mümkün olmadığını bəyan edib.
AzerVoice xəbər verir ki, Tramp bu fikirləri Fox News telekanalına verdiyi müsahibədə səsləndirib.
Jurnalistin sualını cavablandıran ABŞ lideri: “Hər iki şey mümkün deyil” – deyə bildirib.
Tramp həmçinin Vaşinqtonun Ukrayna ərazisinə Amerika hərbi qüvvələri yerləşdirmək planının olmadığını açıqlayıb.
Onun sözlərinə görə, hazırda Fransa və Almaniyanın Ukraynada öz kontingentlərini yerləşdirməklə bağlı maraqları gündəmdədir.
Tramp çıxışında Kiyevə təhlükəsizlik zəmanətləri məsələsinə də toxunub. O, ABŞ-ın Avropa ölkələrinə Ukraynanın NATO-ya üzvlüyünə alternativ mexanizmlərin formalaşdırılması prosesində dəstək verməyə hazır olduğunu vurğulayıb.
