BAKI,AzerVoice, Fərid Mikayılov
Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı baş tutub.
AzerVoice xəbər verir ki, liderlər Ukrayna müharibəsi və regional məsələlər barədə fikir mübadiləsi aparıblar.
Putin Ərdoğana Alyaskada ABŞprezidenti Donald Tramp ilə keçirdiyi görüş barədə ətraflı məlumat verib.
Rusiya lideri həmçinin Türkiyənin İstanbulda Ukrayna nümayəndələri ilə keçirilən görüşlərə verdiyi dəstəyi yüksək qiymətləndirib.
Telefon danışığında ikitərəfli münasibətlər də diqqət mərkəzində olub. Tərəflər Rusiya və Türkiyə arasında ticarət və investisiya əlaqələrinin genişləndirilməsi məsələlərini müzakirə ediblər.