BAKI, AzerVoice, Nərmin Ağayeva
ABŞ və Rusiya ilə danışıqlar sülh yolunda dönüş nöqtəsi ola bilər.
AzerVoice xəbər verir ki, Ukraynanın xarici işlər naziri Andrii Sybiha ABŞ, Rusiya və Ukrayna liderləri arasında aparılan danışıqların sülh prosesində mühüm dönüş nöqtəsinə çevrilə biləcəyini bildirib.
Nazir sosial şəbəkədəki açıqlamasında ABŞ prezidenti Donald Tramp, Ukrayna prezidenti Vladimir Zelenski və Avropa liderləri ilə keçirilən görüşün sülh istiqamətində intensiv müzakirələrlə yadda qaldığını vurğulayıb. O, Rusiyanın hücumlarının davamlı sülh və təhlükəsizlik zəmanətlərinə ehtiyacı daha da ön plana çıxardığını qeyd edib.
Qeyd edək ki, ABŞ prezidenti Tramp avqustun 15-də Alyaskada Rusiya lideri Vladimir Putinlə də görüşüb. Daha sonra Ağ Evdə Zelenski və Avropa liderləri ilə toplantı keçirilib. Görüşdə NATO baş katibi Mark Rutte, Avropa Komissiyasının sədri Ursula fon der Leyen, Fransa prezidenti Emmanuel Makron, Böyük Britaniyanın baş naziri Key Starmer, Finlandiya prezidenti Aleksandr Stubb, İtaliyanın baş naziri Giorgia Meloni və Almaniya kansleri Fridrix Merz iştirak ediblər.