BAKI, AzerVoice, Səməd Əyyubov
Litva prezidenti Gitanas Nauseda Avropa İttifaqını (Aİ) Ukraynanın 2030-cu ildə quruma qəbul edilməsini rəsmiləşdirməyə çağırıb.
AzerVoice xəbər verir ki, Nauseda bu barədə “istəklilər koalisiyası”na daxil olan ölkələrin liderlərinin videokonfransında çıxış edərkən danışıb.
“Biz Ukraynanı danışıqlar prosesinə cəlb etməli və üzvlük üçün konkret tarix – 2030-cu ili müəyyənləşdirməliyik”, – deyə Litva prezidenti bildirib.
Nauseda həmçinin qeyd edib ki, danışıqlar prosesi artıq sentyabr ayında bərpa oluna bilər:
“Bu, Ukraynanın çox ehtiyac duyduğu güclü siqnal olardı”.
Xatırladaq ki, avqustun 18-də Ağ Evdə ABŞ prezidenti Donald Tramp, Ukrayna prezidenti Volodimir Zelenski və bir sıra Avropa liderlərinin iştirakı ilə danışıqlar aparılıb.
