Səudiyyə Ərəbistanı İbrahim razılaşmalarına qoşulmaq üçün ABŞ-la aparılan diplomatik danışıqlarda müstəqil Fələstin dövlətinin yaradılması məsələsini əsas şərt kimi irəli sürüb.

ABŞ Prezidenti Donald Tramp, Nyu-York bələdiyyə başçısı seçkilərini qazanan Demokrat namizəd Zahran Mamdani ilə sabah görüş keçirəcəyini açıqlayıb. Tramp sosial media hesabında paylaşdığı bəyanatda Mamdaninin görüş istədiyini bildirib. “Nyu-Yorkun kommunist bələdiyyə başçısı Zahran Mamdani görüş tələb etdi. 21 noyabr Cümə günü Oval Ofisdə görüşməyə razılaşdıq. Ətraflı məlumat tezliklə.” - deyə Tramp paylaşımda qeyd edib. Prezident daha öncə Fox News-ə müsahibəsində Mamdani haqqında danışaraq, onun Vaşinqtona hörmətlə yanaşmalı olduğunu qeyd etmişdi.

ABŞ Prezidenti Donald Tramp Ağ Evdə Səudiyyə Ərəbistanının Vəliəhd Şahzadəsi və Baş naziri Məhəmməd bin Salmanla görüşüb. Səfər Səudiyyə-ABŞ münasibətlərində yeni mərhələ kimi qiymətləndirilir və iki ölkə arasında müdafiə, nüvə enerjisi, texnologiya və investisiya sahələrində genişmiqyaslı əməkdaşlığı əhatə edir.

ABŞ ilə Səudiyyə Ərəbistanı arasındakı strateji münasibətlərin dərinliyini əks etdirən mühüm addım olaraq, ABŞ Prezidenti Donald Tramp rəsmi şəkildə Səudiyyə Ərəbistanını “Şimali Atlantika Müqaviləsi Təşkilatına daxil olmayan əsas müttəfiq” (Major Non-NATO Ally – MNNA) elan edib. Bu qərarla Səudiyyə Ərəbistanı, Argentina, Avstraliya, Bəhreyn, Braziliya, Kolumbiya, Misir, İsrail, Yaponiya, İordaniya, Keniya, Küveyt, Mərakeş, Yeni Zelandiya, Pakistan, Filippin, Qatar, Cənubi Koreya, Tailand və Tunis kimi ölkələrin ardınca bu statusu alan 20-ci dövlət olub.

ABŞ prezidenti Donald Tramp Səudiyyə Ərəbistanını rəsmi şəkildə “NATO-dan kənar əsas müttəfiq” statusuna daxil etdiyini elan edib və bildirib ki, “Səudiyyə Ərəbistanı ilə böyük tərəfdaşlıq hər iki ölkənin maraqlarını daha da irəli aparacaq”.

Səudiyyə Ərəbistanının Vəliəhd Şahzadəsi Məhəmməd bin Salmanın ABŞ-yə səfəri iki ölkə arasında strateji tərəfdaşlığın yeni mərhələyə keçdiyini göstərir. Bu münasibətlərin formalaşması son on ildə regional və qlobal dəyişikliklərin fonunda baş verib və Riyad–Vaşinqton xəttində qarşılıqlı maraqlara əsaslanan yeni bir siyasi-iqtisadi modelin meydana çıxmasına səbəb olub.

Səudiyyə Ərəbistanı ABŞ-yə 1 trilyon dollarlıq investisiya yatıracaq. Bu barədə ABŞ Prezidenti Donald Tramp ilə Səudiyyə Ərəbistanının Vəliəhd Şahzadəsi Məhəmməd bin Səlman arasında Ağ Evdə keçirilən görüşdən sonra məlumat verilib.

Kriştiano Ronaldo, Dünya Kuboku öncəsi bugün Ağ Evdə Donald Tramp ilə bir araya gələcək. Portuqaliyalı ulduzun ziyareti həm futbol, həm də diplomatiya dünyasında böyük həyəcan yaratdı. Futbol dünyasının ən tanınmış ulduzlarından Kriştiano Ronaldo, ABŞ Prezidenti Donald Tramp ilə bugün Ağ Evdə görüşəcək. Görüşmə, Portuqaliyanın 2026 FIFA Dünya Kubokuna uğurla qatılmasından sonra, turnuvanın başlamasına bir neçə ay qalmış baş tutacaq.

ABŞ Prezidenti Donald Tramp Səudiyyə Ərəbistanına “F-35” tipli qırıcı təyyarələrin satışı ilə bağlı razılıq verib. Bu qərar, Səudiyyə Ərəbistanının vəliəhdi və Baş naziri şahzadə Məhəmməd bin Salmanın ABŞ-a səfəri ərəfəsində açıqlanıb.

İsrailin ifrat sağçı Milli Təhlükəsizlik naziri İtamar Ben-Qvir, ABŞ-nin Birləşmiş Millətlər Təşkilatının Təhlükəsizlik Şurasına (BMT TŞ) təqdim etdiyi Qəzzaya dair qərar layihəsinin qəbul edilməsi halında Fələstin rəhbərliyinə qarşı “hədəfli sui-qəsdlər” həyata keçirilməsi və Fələstin Dövlət Başçısı Mahmud Abbasın həbs olunması çağırışı ilə çıxış edib.

Səudiyyə Ərəbistanının vəliəhd şahzadəsi Məhəmməd bin Səlman 18 noyabr çərşənbə axşamı ABŞ-ın paytaxtı Vaşinqtonda ABŞ Prezidenti Donald Tramp ilə görüşəcək. Tərəflərin təhlükəsizlik, müdafiə, iqtisadi əməkdaşlıq və regional böhranların idarə olunması kimi iki ölkə münasibətlərini əhatə edən əsas məsələləri müzakirə edəcəyi gözlənilir. Bin Salmanın səfəri, 2018-ci ildən sonra ABŞ-a edəcəyi ilk rəsmi ziyarət olması ilə diqqət çəkir.

Ağ Ev rəsmiləri ABŞ prezidenti Donald Trampın Suriya paytaxtı Dəməşqə səfəri ilə bağlı yayılan məlumatlar barədə açıqlama verməkdən imtina ediblər. Bir çox iddialara görə, ötən bazar ertəsi prezident Tramp və Suriya prezidenti Əhməd əş-Şəraa arasında Ağ Evdə keçirilmiş görüş zamanı Suriya tərəfi Trampı yaxın aylarda Dəməşqə səfərə dəvət edib və Tramp bu dəvəti qəbul edib.

ABŞ Prezidenti Donald Tramp, Venesuela ilə bağlı yeni açıqlamalarında Prezident Nikolas Maduro ilə müəyyən səviyyədə təmasların ola biləcəyini bildirib. Floridadakı istirahətindən Vaşinqtona dönərkən jurnalistlərin suallarını cavablandıran Tramp, “Maduro ilə bəzi görüşmələr aparır ola bilərik və bunun necə nəticələnəcəyini görəcəyik. Onlar danışmaq istəyirlər,” deyə qeyd edib. Venesuela ilə bağlı yeni irəliləyiş olub-olmaması barədə suala isə Tramp “Xeyr, yoxdur,” cavabını verib.

Hillari Dayan Rodham Klinton (26 oktyabr 1947) ABŞ-ın tanınmış siyasi simalarından biri, senator, dövlət katibi və 2016-cı il prezident seçkilərində Demokrat Partiyasının namizədi olub. O, ABŞ-ın 42-ci prezidenti Bill Klintonun həyat yoldaşıdır və 1993–2001-ci illərdə ölkənin birinci xanımı kimi fəaliyyət göstərib. Bundan əvvəl isə o, hüquqşünas və Arkanzas ştatının birinci xanımı kimi tanınıb.

İsrailin Baş naziri Binyamin Netanyahu daxili siyasi təzyiqlərlə üz-üzədir. Xüsusilə ifrat sağçı qüvvələr Fələstin dövlətçiliyi ilə bağlı hər hansı müzakirəni bloklamağa çalışır və Tramp administrasiyası tərəfindən irəli sürülən sülh planına dair öhdəliklərdən imtinanı tələb edir.

İsrailli tədqiqatçı Şolom Libner bildirir ki, ABŞ prezidenti Donald Trampın Qəzza müharibəsindən sonrakı aktiv müdaxiləsi İsrail baş naziri Benyamin Netanyahunu misilsiz təzyiq altına salıb. Libnerin “National Interest”də dərc olunan analizinə görə, Trampın Qəzzada daimi razılaşma əldə etməyə çalışması Netanyahunun hökuməti üçün “siyasi zərbə” yarada bilər. Qəzzada döyüşlər sona yaxınlaşdıqca həm İsrail daxilində, həm də regionda liderlik boşluğu dərinləşib.

İsrailin Baş naziri Benyamin Netanyahu cümə axşamı bəyan edib ki, Suriyanın prezidenti Əhməd əş-Şəraa ilə “gələcək münasibətlər” Cənub-Qərbi Suriyada, işğal olunmuş Colan təpələrinə bitişik ərazidə silahsız zona yaradılması üzrə əməkdaşlıqdan asılı olacaq. Bu arada Suriya xarici işlər naziri Əsəd əş-Şeybani bildirib ki, hökumət İsraillə gərginliyin artmasının qarşısını almağa çalışır və ölkəsinin ərazisində davam edən İsrail pozuntularına diplomatik yolla cavab verməyə çalışır.

Ağ Evin nümayəndəsi bu gün təsdiqləyib ki, ABŞ prezidenti Donald Tramp 2026-cı ildə İsveçrənin Davos şəhərində keçiriləcək Dünya İqtisadi Forumunun illik toplantısında iştirak etməyi planlaşdırır. Forum ənənəvi olaraq dünya siyasi və biznes liderlərini qlobal çağırışların müzakirəsi üçün bir araya gətirir.

Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və Bərpa Agentliyi (UNRWA) bildirib ki, İsrailin iki il davam edən soyqırımı nəticəsində Qəzza zolağında 282 mindən çox ev dağıdılıb və ya zərər görüb. UNRWA-nın ABŞ mərkəzli X sosial media platformasındakı rəsmi hesabında paylaşdığı açıqlamada, BMT Qaçqınlar üzrə Ali Komissarlığı (UNHCR) və Beynəlxalq Qırmızı Xaç və Qırmızı Aypara Cəmiyyətləri Federasiyası (IFRC) tərəfindən birgə idarə olunan Qlobal Sığınacaq Klasteri (Global Shelter Cluster) humanitar yardım mexanizminin məlumatları istinad kimi göstərilib.

ABŞ Prezidenti Donald Tramp və Suriya Prezidenti Əhməd Şara Vaşinqtonda görüş keçiriblər. Trend-in məlumatına görə, Ağ Evdən verilən açıqlamada iki liderin görüşünün yerli vaxtla saat 19:00-da başladığı və görüşün mətbuata qapalı şəkildə davam etdiyi bildirilib.

Səudiyyə Ərəbistanının vəliəhd şahzadəsi Məhəmməd bin Salmanın bu ay Vaşinqtona səfəri siyasi və strateji baxımdan böyük əhəmiyyət daşıyır. Səfər Səudiyyə-ABŞ münasibətlərinin yeni mərhələdə formalaşması üçün imkan açır və Krallığın mürəkkəb regional məsələləri ağıllı şəkildə idarə etmək bacarığını nümayiş etdirir.

Suriya Prezidenti Əhməd Əş Şəraa bu gün ABŞ Prezidenti Donald Tramp ilə görüşəcək. Şəraa, indiyə qədər Ağ Evdə amerikalı prezident tərəfindən qəbul edilən ilk Suriya lideri olacaq. Suriya Prezidenti Əhməd Əş Şəraa bu gün ABŞ Prezidenti Donald Tramp ilə Ağ Evdə bir araya gələcək. ABŞ Prezidenti Donald Tramp tərəfindən qəbul ediləcək Şəraa, Ağ Evə gedən ilk Suriya Prezidenti olacaq. Çünki indiyə qədər heç bir ABŞ prezidenti Suriyadan olan bir dövlət başçısını Vaşinqtonda qəbul etməmişdi. Görüşdə Şəraaya Xarici İşlər Naziri Əsəd Şeybani də müşayiət edir.

ABŞ Prezidenti Donald Trampın “beynəlxalq qüvvələr çox yaxın zamanda Qəzzaya yerləşdiriləcək” açıqlamasından bir neçə saat sonra İsrailin müdafiə naziri Yisrael Kats bəyan edib ki, ordusuna Qəzzadakı “HƏMAS” tunellərinin “sonuncu tunelədək” məhv edilməsi barədə göstəriş verib.

Azərbaycan Respublikasının Amerika Birləşmiş Ştatlarındakı Səfirliyinin təşkilatçılığı ilə 8 noyabr Zəfər Gününə həsr olunmuş tədbir keçirilib. Tədbirdə diplomatik korpus təmsilçiləri, hərbi attaşelər, ABŞ-dakı Azərbaycan icmasın nümayəndələri və digər qonaqlar iştirak ediblər.Tədbirin əvvəlində Azərbaycan Respublikasının Dövlət Himni səsləndirilib. Daha sonra Azərbaycan torpaqlarının suverenliyi uğrunda canlarından keçmiş şəhidlərin ruhu sükutla yad edilib.