BAKI, AzerVoice, Nailə Babazadə

Suriya Prezidenti Əhməd Əş Şəraa bu gün ABŞ Prezidenti Donald Tramp ilə görüşəcək. Şəraa, indiyə qədər Ağ Evdə amerikalı prezident tərəfindən qəbul edilən ilk Suriya lideri olacaq.

AzerVoice xəbər verir ki, Suriya Prezidenti Əhməd Əş Şəraa bu gün ABŞ Prezidenti Donald Tramp ilə Ağ Evdə bir araya gələcək. ABŞ Prezidenti Donald Tramp tərəfindən qəbul ediləcək Şəraa, Ağ Evə gedən ilk Suriya Prezidenti olacaq. Çünki indiyə qədər heç bir ABŞ prezidenti Suriyadan olan bir dövlət başçısını Vaşinqtonda qəbul etməmişdi. Görüşdə Şəraaya Xarici İşlər Naziri Əsəd Şeybani də müşayiət edir.

Əhməd Əş Şəraa Braziliyada keçirilən “COP30” İqlim Zirvəsində iştirak etdikdən sonra ABŞ-ın paytaxtı Vaşinqton D.C-yə keçib. Tramp və Şəraa arasında bu gün baş tutacaq görüşdə Suriyanın müharibədən sonrakı bərpa prosesi, xarici investisiyalar və iqtisadi əməkdaşlıq imkanları, ABŞ-ın Suriya üzərindəki sanksiyalarının aradan qaldırılması və ya yüngülləşdirilməsi, Suriyada hələ də mövcud olan İŞİD elementlərinə qarşı birgə mübarizə səyləri, Suriyadakı müxtəlif silahlı qrupların mərkəzi hökumətə inteqrasiyası və ordunun vahid komandanlıq altında birləşdirilməsi kimi məsələlərin müzakirə olunacağı bildirilir.

Xüsusilə, terror təşkilatı SDQ-nin Dəməşq hökumətinə inteqrasiyası, Suriyanın ABŞ-ın rəhbərlik etdiyi İŞİD əleyhinə koalisiyaya qoşulması, İsraillə münasibətlər və bu ölkə ilə müdafiə əməkdaşlığı kimi mövzuların prioritet olacağı gözlənilir.