BAKI, AzerVoice
Türkiyənin dörd vilayətində narkotik əməliyyatı həyata keçirilib.
AzerVoice xəbər verir ki, əməliyyat Denizli Təhlükəsizlik İdarəsinin Narkotiklərlə Mübarizə Şöbəsi qrupları tərəfindən təşkil olunub.
Ünvanlarda aparılan axtarışlar zamanı 45 parça halında ümumilikdə 1 kiloqram 197 qram metamfetamin, beş parça halında 462 dozalıq kağıza hopdurulmuş sintetik bonzai, 16 ədəd psixotrop həblər, üç ədəd narkotik istifadə aləti, bir ədəd marixuana doğrayıcısı, iki ədəd çəki tərəzisi, iki ədəd qeyri-qanuni tapança və narkotik maddə ticarətindən əldə edildiyi ehtimal edilən 11 min lira nağd pul ələ keçirilib.
Əməliyyat nəticəsində 22 nəfər saxlanılıb. Onlardan biri ifadəsi alındıqdan sonra sərbəst buraxılıb, qalan 21 nəfər isə məhkəmə orqanlarına göndərilib. Məhkəməyə çıxarılan 21 nəfərdən 19-u həbs olunub, iki nəfər isə məhkəmə nəzarəti şərti ilə azadlığa buraxılıb.
–
