BAKI, AzerVoice, Səməd Əyyubov
İndoneziyanın ikinci ən böyük adası olan Sulavesidə 5,8 bal gücündə zəlzələ qeydə alınıb.
AzerVoice xəbər verir ki, bu barədə ABŞ Geoloji Xidməti məlumat yayıb.
Yeraltı təkanların episentri paytaxt Cakartadan təxminən 2 min kilometr uzaqlıqda, Poso şəhərinin 12 kilometr şimal-qərbində olub.
Hazırda ölən və yaralananlar barədə məlumat verilməyib.
Qeyd edək ki, avqustun 17-də də Poso bölgəsində eyni gücdə zəlzələ baş vermiş, nəticədə 2 nəfər həlak olmuş, 433 nəfər xəsarət almışdı. Həmin vaxt bölgədə avqustun 31-nə qədər fövqəladə vəziyyət elan edilmişdi.
