BAKI,AzerVoice
Çinli avtomobil istehsalçıları Chery və BYD, Türkiyədə avtomobil istehsalı üçün Manisa və Samsun şəhərlərinə investisiya qoyacaq.
Prezident Rəcəb Tayyib Ərdoğan, Asiya turundan qayıdarkən təyyarədə jurnalistlərin suallarını cavablandıraraq iki Çinli elektrikli avtomobil istehsalçısının Türkiyədə zavod tikəcəyini açıqlamışdı. Daha sonra Sanayi və Texnologiya Naziri Mehmet Fatih Kacır istehsalçıların Manisa və Samsun şəhərlərində zavod tikəcəyini təsdiqləyib.
BYD Manisada Fabrika Quracaq
Sanayi və Texnologiya Naziri Mehmet Fatih Kacır açıqlamasında BYD-nin Manisada fabrik quracağını təsdiqləyib. O, bildirib ki: "BYD artıq Manisada yerini alıb və investisiya prosesi başlayıb.ÇED (Çevresel Etki Değerlendirme) hesabatı tamamlanıb.Bu zavod üçün 1 milyard dollarlıq sərmayə yatırılacaq.Fabrik ildə 150 min avtomobil istehsal edəcək və Ar-Ge (tədqiqat və inkişaf) mərkəzi yaradılacaq"
Chery Samsunda Fabrika Quracaq
Nazir Kacır, Chery-nin Samsunda investisiya edəcəyini və bu mövzuda ciddi danışıqlar aparıldığını açıqlayıb. O, qeyd edib ki:
"Samsundakı Chery fabriki, BYD fabrikinin istehsal gücünə yaxın olacaq.Sərmayənin BYD səviyyəsində olması gözlənilir.Türkiyə avtomobil sənayesinə böyük töhfə verəcək bir layihə həyata keçirilir"
Türkiyənin Avtomobil Sənayesində Yeni Dövr
Prezident Ərdoğan, Çinin elektrikli avtomobil sektorunda uğurlarına diqqət çəkərək, bu investisiyaların Türkiyə avtomobil sənayesinə yeni nəfəs verəcəyini vurğulayıb.
"Bu fabriklərin Manisa və Samsunda qurulması Türkiyə avtomobil sənayesinə fərqli bir dinamika gətirəcək. TOGG-un daxili bazarda qazandığı uğuru qorumaq və bu sahədə irəliləmək niyyətindəyik. Türkiyə, TOGG ilə dünyaya 'Biz də varıq, buradayıq və güclüyük' mesajını göndərir."-deyə Ərdoğan Bildirib
