BAKI, AzerVoice, Səməd Əyyubov
Türkiyənin "Fənərbağça" klubu baş məşqçi Joze Mourinyonun ayrılmasından sonra 39 yaşlı italiyalı mütəxəssis Domeniko Tedesko ilə müqavilə imzalayıb.
AzerVoice xəbər verir ki, bu barədə klubun yaydığı açıqlamada deyilir.
“Komandanın baş məşqçiliyi üçün cənab Domeniko Tedesko ilə 2025-2026 və 2026-2027 mövsümlərini əhatə edən iki illik müqavilə imzalanıb” - deyə, açıqlamada bildirilib.
Tedesko karyerasının ilk illərində "Ştutqart" və "Hoffenhaym"ın aşağı yaş qruplarında çalışıb, daha sonra ilk A komanda təcrübəsini "Ertsgebirge Aue" klubunda qazanıb. Buradakı uğurlu çıxışından sonra 2017-ci ildə "Şalke 04"-ün baş məşqçisi təyin olunub.
O dövrdə cəmi 31 yaşı olan Tedesko klub tarixində ən gənc baş məşqçi kimi yadda qalıb və komandanı Bundesliqada ikinci yerə daşıyıb. Onun rəhbərliyi ilə "Şalke" Çempionlar Liqasında da uğur qazanaraq qrup mərhələsini adlayıb və 1/8 finala yüksəlib.
