BAKI, AzerVoice, Səməd Əyyubov
BMT-nin baş katibi Antonio Quterreş İsrailin Dohada HƏMAS rəhbərlərini hədəfə alan hücumunu pisləyərək, bunu Qətərin suverenliyinin və ərazi bütövlüyünün açıq şəkildə pozulması kimi qiymətləndirib.
AzerVoice-un məlumatına görə, Quterreş əlavə edib ki, “Qətər Qəzzada atəşkəsin əldə olunması və bütün əsirlərin azad edilməsi prosesində son dərəcə müsbət rol oynayıb”.
O həmçinin bütün tərəfləri Qəzza zolağında münaqişəyə yox, daimi atəşkəsə nail olmaq üçün işləməyə çağırıb.
Eyni kontekstdə, Türkiyə də İsrailin Qətərdə HƏMAS-a hücumunu pisləyib. Türkiyə Xarici İşlər Nazirliyi bəyan edib ki, bu hücum İsrailin ekspansiya və terroru dövlət siyasəti kimi qəbul etdiyini göstərir.
Qətər də İsrailin HƏMAS-ın bir sıra Siyasi Bürosu üzvlərinin yaşayış yerlərini hədəfə alan hücumunu pisləyib və bu İsrailin bu məsuliyyətsiz davranışına dözməyəcəyini vurğulayıb.
Qətər Xarici İşlər Nazirliyinin sözçüsü Məcid əl-Ənsari “X” sosial şəbəkəsində yazıb ki, “bu cinayətkar hücum bütün beynəlxalq qanunların pozulmasıdır və qətərlilərin təhlükəsizliyi üçün ciddi təhdiddir”.