BAKI, AzerVoice, Səməd Əyyubov
Çinin şimalında, Bohay dənizində yük gəmisi ilə balıqçı qayığı toqquşub.
AzerVoice xəbər verir ki, hadisə barədə Çin Fövqəladə Halların İdarəolunması Nazirliyi məlumat yayıb.
Bildirilib ki, toqquşma nəticəsində balıqçı qayığı aşıb və heyətin bir hissəsi dənizdə itib. İtkin düşənlərin tapılması üçün axtarış-xilasetmə əməliyyatlarına başlanılıb. Qəza ilə bağlı məsuliyyət və səhlənkarlıq ehtimalları araşdırılacaq.
Məlumata görə, Dövlət Şurasına bağlı Əmək Təhlükəsizliyi Komissiyası, Nəqliyyat Nazirliyi və Kənd Təsərrüfatı Nazirliyinin iştirakı ilə yaradılmış birgə işçi qrupu bölgəyə göndərilib. Qrupun fövqəladə vəziyyət tədbirlərinə nəzarət edəcəyi vurğulanıb.
