BAKI, AzerVoice
Britaniyalı pilot Lando Norris, 2025-ci il "Formula 1" dünya çempionatının səkkizinci mərhələsi olan Monako Qran Prisinin qalibi olub.
AzerVoice xəbər verir ki, o, “McLaren” komandasının heyətində yarışıb.
İkinci yeri “Ferrari” pilotu, Monako təmsilçisi Şarl Lekler, üçüncü yeri isə yenə “McLaren” komandasının üzvü, avstraliyalı Oskar Piastri tutub.
Ümumilikdə pilotlar sıralamasında Piastri 161 xalla liderliyini qoruyur. Ardınca Norris 158 xalla ikinci, Niderlandlı Maks Ferstappen isə 136 xalla üçüncü yerdə qərarlaşıb.
Konstruktorlar Kubokunda “McLaren” komandası 319 xalla birinci yerdədir. Onun əsas rəqibləri isə “Mercedes” (147 xal), “Red Bull” (143 xal) və “Ferrari” (142 xal) komandalarıdır.
Növbəti mərhələ 30 may – 1 iyun tarixləri arasında Barselonada keçiriləcək.
