BAKI, AzerVoice
Avstraliyalı pilot Oskar Piastri, “Formula-1” üzrə dünya çempionatının beşinci mərhələsi olan Səudiyyə Ərəbistanı Qran-prisində qalib gəlib.
AzerVoice xəbər verir ki, yarış Səudiyyə Ərəbistanının Ciddə şəhərində baş tutub.
İkinci yerdə “Red Bull” komandasından Niderland təmsilçisi Max Verstappen, üçüncü yerdə isə “Ferrari”nin monakolu pilotu Çarlz Leklerk qərarlaşıb.
Bu qələbə ilə Piastrinin toplam xalları 99-a çatıb və o, ümumi sıralamada liderliyə yüksəlib. Onun komanda yoldaşı, britaniyalı Lando Norris 89 xalla ikinci, son dörd mövsümün dünya çempionu Max Verstappen isə 87 xalla üçüncü yerdə qərarlaşıb.
Konstruktorlar Kubokunda da "McLaren" komandası 188 xalla birincidir. İkinci pillədə “Mercedes” (111 xal), üçüncü yerdə isə “Red Bull” (89 xal) yer alır.
Çempionatın altıncı mərhələsi 2–4 may tarixlərində ABŞ-ın Florida ştatındakı Mayami şəhərində keçiriləcək.
