ABŞ-ın Ankaradakı səfiri və Suriya üzrə xüsusi nümayəndəsi Tom Barrak bildirib ki, əgər İsrail Baş naziri Benyamin Netanyahunun müşaviri olsaydı, “Türkiyənin beynəlxalq barış gücünə qatılmasına mane olmamağın” ən doğru addım olacağını məsləhət görərdi.

Avropa Yayım İttifaqı (EBU) bu gün Cenevrədə təcili iclas keçirərək İsrailin gələn il “Avroviziya” musiqi müsabiqəsində iştirakını müzakirə edəcək. Bir sıra ölkələrin Qəzza müharibəsinə görə İsraili boykot tələbi ilə çıxış etməsi, hətta müsabiqədən imtina edəcəklərini bildirməsi məsələni gündəmin əsas mövzularından birinə çevirib.

İsrail Ordusu Radiosu təcili məlumat yayıb: Qəzza zolağında HƏMAS-a qarşı İsrail tərəfəindən silahıandırılan fələstinli Yasir Əbu Şəbab naməlum silahlılar tərəfindən qətlə yetirilib. Məlumata görə, hadisə bu gün Qəzzanın cənub bölgəsində baş verib. Silahlı şəxslərin kimliyi barədə hələlik dəqiq məlumat yoxdur və araşdırma aparılır. İsrail tərəfi bunun Qəzza daxilində müxtəlif qruplar arasında baş verə biləcək qarşıdurmaların nəticəsi ola biləcəyini istisna etmir. Fələstin mənbələri isə hadisənin təfərrüatlarının hələ tam aydınlaşdırılmadığını bildirir.

İsrail ordusu Qəzza Zolağının şimal və cənub bölgələrini havadan və artilleriya atəşləri ilə hədəf alıb, binaları partlatıb. Yerli şahidlərdən əldə edilən məlumata görə, İsrail ordusuna məxsus döyüş təyyarələri cənubdakı Rifah və Xan Yunis şəhərlərinin şərq bölgələrini bombalayıb. Bundan əlavə, şimaldakı Beyt Lahiya qəsəbəsi də hava hücumu ilə hədəfə alınıb. Bu hücumlarla eyni vaxtda Xan Yunisin şimal və şərq bölgələri də artilleriya atəşləri ilə vuruldu, helikopterdən atəş açıldı.

İsrail Baş naziri Benyamin Netanyahunun hakim koalisiyası çərşənbə günü Knessetdə keçirilən və ABŞ Prezidenti Donald Trampın Qəzza müharibəsinə son qoyan planına dəstək verən səsvermədə iştirak etməyib.

Türkiyə Prezidenti Rəcəb Tayyib Ərdoğan Finlandiya Prezidenti Aleksandr Stubb ilə telefon danışığı aparıb. Prezident Administrasiyasının məlumatına görə, tərəflər ikitərəfli münasibətlərlə yanaşı, regional və qlobal prosesləri müzakirə ediblər.

HƏMAS və İslami Cihad qruplarının rəsmiləri AFP-yə bildiriblər ki, Qəzza zolağında aşkar edilən bir cəsədin qalıqlarından götürülmüş nümunə bu gün İsrail tərəfinə veriləcək.

Misir rəsmiləri ölkənin yaxın günlərdə Qəzza zolağı ilə sərhəddə yerləşən Rəfah keçidini yenidən açmaq üçün İsraillə koordinasiya apardığı barədə yayılan məlumatları təkzib edib. Bu barədə Misirin Dövlət İnformasiya Xidməti Əl-Qahirə telekanalına açıqlamasında bildirib.

HƏMAS İsrail ordusunun atəşkəs razılaşmasını pozmağa davam etdiyini və geri çəkildiyi ərazilərdə məcburi köçkün mülki şəxsləri hədəf aldığını açıqladı. HƏMAS-ın sözçüsü Hazem Qassem yazılı açıqlamasında bildirib ki, İsrail ordusu atəşkəs razılaşmasını pozur, geri çəkildiyi ərazilər kimi müəyyən edilən "Sarı Xətt"in xaricindəki sığınacaqları və məcburi köçkün düşərgələrini hədəf alır.

İsrail ordusunun Qəzza Zolağında apardığı hücumlar nəticəsində həyatını itirənlərin sayı son 48 saatda 5 nəfər artaraq, ümumilikdə 70 min 117-yə yüksəlib. Qəzza Sağlıq Nazirliyi hücumlar nəticəsində ölən və yaralananlarla bağlı son məlumatları yayıb. Yayılan açıqlamaya görə, son 48 saatda birinin enkaz altından çıxarıldığı 5 Filistinlinin cəsədi və 13 yaralının xəstəxanalara çatdırıldığı bildirilib. Ateşkəsin tətbiqindən sonra isə İsrailin Qəzza Zolağındakı hücumlarında 360 nəfər həyatını itirib, 922 nəfər yaralanıb. Enkazlardan isə 617 cəsədin çıxarıldığı qeyd edilib.

Birləşmiş Millətlər Təşkilatının İnsanitar İşlər Koordinasiya Ofisinin (UNOCHA) sözçüsü Jens Laerke bildirib ki, İsrail ilə HƏMAS arasında əldə olunmuş atəşkəs razılaşmasına baxmayaraq, İsrailin məhdudiyyətləri səbəbindən Qəzzaya kifayət qədər humanitar yardım çatdırılmayıb. Laerke, təxminən iki aydır davam edən atəşkəs prosesinin humanitar yardımlara təsirini şərh edərkən deyib ki, humanitar yardım səviyyəsi hələ də istənilən səviyyədə deyil. O, 10 oktyabrdan bəri humanitar yardımlarda artım olduğunu, lakin hədəflərin hələ də tamamlanmadığını qeyd edib.

Ginnesin Rekordlar Kitabı (GWR) İsraili boykot etmək və ölkədən rekord ərizələrini qəbul etməmək qərarına gəlib. 12-ci kanalda yayımlanan xəbərə görə, İsrail televiziya kanalı, ölkədə böyrək donorluğunu təşviq edən bir təşkilat olan Yaşam Hədiyəsi (Matnat Chaim), "siyasi səbəblərə görə" "rekord cəhdi" üçün Ginnesin Rekordlar Kitabı Ofisinə müraciət edib. Qüdsdə iki min könüllü donor toplamalı olan tədbir üçün Dünya Rekordları Kitabına qeydiyyat üçün edilən müraciət rədd edilib.

Türkiyə Prezidenti Rəcəb Tayyib Ərdoğan Fransa Prezidenti Emmanuel Makron ilə qarşı tərəfin istəyi əsasında telefon danışığı həyata keçirdi. Görüş zamanı Türkiyə-Fransa ikitərəfli münasibətləri, Ukrayna-Rusiya münaqişəsi, həm regional, həm də qlobal məsələlər müzakirə olundu. Ərdoğan danışıq zamanı Türkiyə ilə Fransa arasındakı əməkdaşlığın inkişaf etdirilməsinin vacib olduğunu vurğuladı və bu məqsədlə addımların davam etdiriləcəyini bildirdi. O, Türkiyənin Ukrayna ilə Rusiya arasındakı müharibənin ədalətli və davamlı sülh yolu ilə sona çatması üçün maksimum səylər göstərdiyini qeyd etdi.

Suriya Birləşmiş Millətlər Təşkilatındakı (BMT) Daimi Nümayəndəsi, səfir İbrahim Ulabi işğal altındakı Qolan Təpələrinin Suriya torpağı olduğunu və ölkəsinin buranın tamamını İsraildən geri almaq hüququna malik olduğunu açıqlayıb. Suriya dövlət televiziyası El-İhbariye-nin xəbərinə görə, Ulabi hər iki tərəfin təhlükəsizlik narahatlıqlarını aradan qaldırmaq məqsədilə Suriya və İsrail arasında aparılan danışıqların ABŞ Prezidenti Donald Trampın müşahidəsi altında keçdiyini bildirib.

Böyük Britaniya Qəzzaya humanitar yardımın çatdırılmasında yaranan ləngimələrə görə İsrailə kəskin etirazını bildirib. BBC-nin məlumatına görə, Londondan göndərilən 1 100-dən çox çadırdan ibarət yardım yükünün Qəzzaya çatması bir ildən çox vaxt alıb.

Fransada iki jurnalist təşkilatı, jurnalistlərin fəaliyyətinə mane olduğu iddiası ilə İsrailə qarşı şikayət ərizəsi təqdim edib. Le Monde nəşrinin xəbərinə görə, Jurnalistlər Milli Sindikatı (SNJ) və Beynəlxalq Jurnalistlər Federasiyası (FIJ) İsrailin Qəzzada “xəbər azadlığını əngəllədiyi” səbəbilə Parisdə hüquqi prosesə müraciət edib. Təşkilatlar, Qəzzaya jurnalistlərin girişinə icazə verməyən İsrailin “müharibə cinayəti törətdiyini” bildirərək, bu cinayətlərin araşdırılmasına cavabdeh olan Fransa Milli Antiterror Prokurorluğuna şikayət təqdim edib.

İsrailin Baş naziri Benyamin Netanyahu ABŞ Prezidenti Donald Tramp tərəfindən yaxın vaxtlarda Ağ Evə dəvət edilib. Bu barədə bazar ertəsi iki lider arasında baş tutan telefon danışığından sonra Baş nazirin ofisi məlumat yayıb.

3 oktyabr 2025-ci il tarixində Qəzza zolağında yerləşən “Əl-Fəlah” məktəb sığınacağında növbəti humanitar aksiya həyata keçirilib. Ağır müharibə şəraitində susuzluq və məişət çətinlikləri ilə üz-üzə qalan sakinlər üçün təşkil olunan su paylanması nəticəsində ümumilikdə 800 nəfər təmiz içməli su ilə təmin olunub.

Görüş Bakının bölgədə artan nüfuzunun nəticəsidir.

ABŞ Prezidenti bir il əvvəl Bəşər Əsəd hökumətinin devrilməsindən sonra Şəraanın koalisiyası ilə İsrail arasında təhlükəsizlik sazişi istiqamətində çalışdığını xatırladıb. Lakin İsrailin son aylarda Suriyaya qarşı həyata keçirdiyi yüzlərlə zərbə gərginliyi artırıb. İsrail cümə günü cənubda həyata keçirdiyi və 13 nəfərin öldüyü əməliyyatın “ekstremist qruplaşmanı” hədəf aldığını açıqlayıb.

İsrail ordusu işğal altındakı Fələstinin İordan çayının qərb sahilinin şimalında fələstinliləri evlərini tərk etməyə məcbur edərək bölgəyə əlavə hərbi qüvvələr göndərib. Yerli mənbələrin məlumatına görə, İsrail əsgərləri Cenin qaçqın düşərgəsinə bitişik Cabiriyyat məhəlləsinin sakinlərini evlərini boşaltmağa məcbur edib və daha sonra məhəllədə genişmiqyaslı axtarışlara başlayıb. Bildirilir ki, əraziyə əlavə hərbi bölmələr də yerləşdirilib. Son günlərdə İsrail qüvvələri Cenin və onun ətrafındakı yaşayış məntəqələrinə ardıcıl basqınlar edir. Bu basqınlar zamanı fələstinlilər evlərini tərk etməyə məcbur edilir, çox sayda insan saxlanılır və bölgələrdə axtarışlar aparılır.

İsrail ordusu, 29 noyabrda çəkildiyi Qərb Şəriyənin şimalındakı Tubas şəhəri və şəhər yaxınlığındakı Akaba qəsəbəsinə yenidən hərbi əməliyyat həyata keçirib. Şahidlərin verdiyi məlumata görə, Tubas və Akaba bölgələrinə çox sayda hərbi birləşmə ilə daxil olan İsrail ordusu, şəhərin və qəsəbənin küçələrinə yerləşib. Tubas və Akaba bölgələrində ikinci bir elan verilənədək küçəyə çıxma qadağası tətbiq olunub. Hərbi buldozerlər isə Tubasda yolları bağlamağa başlayıb.

Misir yüzlərlə fələstinli polis əməkdaşını müharibədən sonrakı mərhələdə Qəzzada təhlükəsizlik qüvvələrinə inteqrasiya etmək məqsədilə hazırlayır.Misirin xarici işlər naziri Bədr Əbdülatti avqust ayında Fələstin Muxtariyyətinin baş naziri Məhəmməd Mustafa ilə danışıqları zamanı Qəzza üçün 5 min polis əməkdaşının hazırlanması planını elan etmişdi.

İsraildə ultraortodoks yəhudilərin hərbi xidmətə çağırılması ilə bağlı yeni qanun layihəsi siyasi gərginliyi artırıb. Baş nazir Benyamin Netanyahunun koalisiyasının dayaqlarından olan ultraortodoks partiyaların etirazı fonunda müxalifət sənədi “çağırışdan yayınanlara xüsusi imtiyaz” kimi qiymətləndirib.