BAKI,AzerVoice, Fərid Mikayılov
ABŞ hökuməti İtaliyadan Qəzzada vəziyyətin sabitləşdirilməsi və humanitar vəziyyətin yaxşılaşdırılması istiqamətində dəstək göstərməsini xahiş edib.
AzerVoice xəbər verir ki, ABŞ-ın bu xahişi cari həftə İtaliya Baş Naziri Ciorcia Meloninin ofisinə diplomatik kanallar vasitəsilə çatdırılıb.
Qərarı İtaliya rəhbərliyi müstəqil şəkildə qəbul edəcək. Hazırda Roma hökuməti Qəzza Sektorunda ABŞ təşəbbüsü ilə yaradılan sülh şurasına qoşulub-qoşulmamağa dair müzakirələr aparır.
ABŞ İtaliyadan Qəzzaya hərbi qüvvə göndərməyi gözləmir. İtaliya yalnız digər ölkələrdən gələcək sülhməramlıların təlim və hazırlıq prosesində iştirak edə bilər.
Xatırladaq ki, daha əvvəl 22 yanvar tarixində keçirilən Avropa İttifaqı liderlərinin qapalı görüşündə Baş Nazir Ciorcia Meloni həmkarlarını ABŞ Prezidenti Donald Tramp ilə birbaşa qarşıdurmadan çəkinməyə çağırmış, bunun potensial risklər yaratdığını bildirmişdi.