BAKI, AzerVoice, Nailə Babazadə
Türk Qızıl Ayparası tərəfindən Qəzza zolağındakı təxirəsalınmaz ehtiyacları qarşılamaq üçün hazırlanan və daxilində təxminən 1400 ton humanitar yardım materialı olan 20-ci "Yaxşılıq gəmisi" Mersin Beynəlxalq Limanından mərasimlə yola salınıb.
AzerVoice xəbər verir ki, Türkiyənin öncülüyü ilə həyata keçirilən yardım fəaliyyətləri çərçivəsində hazırlanan bu gəmidə əsasən qida, gigiyena vasitələri, geyim, adyal, sığınacaq ləvazimatları və körpələr üçün müxtəlif materiallar yer alıb.
Mersin Beynəlxalq Limanında təşkil olunan yolasalma mərasimində Türk Qızıl Ayparasının İdarə Heyətinin üzvü Yener Tanıq, Mersin vali müavini Murat Çağrı Erdinç və digər rəsmi şəxslər iştirak ediblər.