Qrenlandiyanın Baş Naziri Yens Frederik Nielsen ABŞ Prezidenti Donald Trampın avtonom Danimarka ərazisini ilhaq etmək təhdidlərinə sərt reaksiya verib. “Daha çox təzyiq olmayacaq. Daha çox işarələr olmayacaq. İlhaq xəyalları olmayacaq. Biz dialoqa və müzakirələrə açığıq, amma bu yalnız beynəlxalq hüquqa hörmətlə və düzgün kanallar vasitəsilə baş verməlidir.” - deyə paylaşımda qeyd edib. Prezident Tramp bazar günü ABŞ-ın tərkibinə Qrenlandiyanın qatılması iddiasını təkrarlayıb. O, strateji yerləşməsinə görə Qrenlandiyanı milli təhlükəsizlik baxımından önəmli adlandırıb. Tramp jurnalistlərin suallarına cavab olaraq bildirib:

Rəcəb Tayyib Ərdoğan Türkiyənin F-35 proqramına yenidən qayıtmasının yalnız Ankara–Vaşinqton münasibətləri üçün deyil, həm də NATO-nun ümumi təhlükəsizliyi baxımından zəruri olduğunu bildirib. Ərdoğan Bloomberg-ə yazılı cavablarında ABŞ ilə münasibətlər, enerji siyasəti və regional geosiyasi proseslərlə bağlı mövqeyini açıqlayıb.

Venesuela Prezidenti Nikolas Maduro bu gün ABŞ-ın Nyu-York şəhərində məhkəmə qarşısına çıxacaq. ABŞ Ədliyyə Nazirliyinin açıqlamasına əsasən, Maduro, həyat yoldaşı, oğlu Nikolas Maduro Guerra, Venesuelanın daxili işlər naziri Diosdado Cabello, keçmiş daxili işlər naziri Ramon Rodriqez Çacín və “Tren de Araqua” cinayət qruplaşmasının lideri Hector Rusthenford Guerrero Flores barəsində tərtib edilmiş ittiham aktı üzrə məxfilik əvvəlki gün aradan qaldırılıb.

Ərdoğan görüş barədə ilk açıqlamanı ötən cümə günü Cümə namazından sonra jurnalistlərin suallarını cavablandırarkən verib. O, Rusiya–Ukrayna müharibəsi ilə bağlı 2026-cı il perspektivlərinə dair sualı cavablandırarkən bildirib ki, beynəlxalq liderlərlə intensiv diplomatik təmaslar davam edir. Görüşdə Rusiya–Ukrayna müharibəsinin gedişi, Qəzza zolağındakı son vəziyyət və Venesuelada baş verən proseslərin əsas müzakirə mövzuları olacağı gözlənilir.

ABŞ Prezidenti Donald Tramp Meksika və Kolumbiya ilə bağlı sərt açıqlamalar verərək, regionda təhlükəsizlik və narkotik dövriyyəsi məsələlərini gündəmə gətirib. Florida ştatında istirahətdən Vaşinqtona qayıdarkən təyyarədə jurnalistlərə danışan Tramp, Venesuelaya qarşı həyata keçirilən hərbi müdaxilələrin “doğru və haqlı” olduğunu iddia edib. Onun sözlərinə görə, Venesueladan ABŞ-yə böyük həcmdə narkotik daşınır və ölkənin Prezidenti Nikolas Maduro “narko-terror dövləti” idarə edir.

ABŞ-nin müdafiə məqsədləri üçün Qrenlandiyaya nəzarət etməsi lazımdır. Bu barədə ABŞ Prezidenti Donald Tramp deyib.

İranda artan inflyasiya və iqtisadi çətinliklərə etiraz olaraq keçirilən aksiyalar zamanı son bir həftədə azı 16 nəfər həlak olub, yüzlərlə insan saxlanılıb. Etirazlar ölkənin müxtəlif bölgələrində təhlükəsizlik qüvvələri ilə nümayişçilər arasında toqquşmalarla müşayiət olunur. Hüquq müdafiə təşkilatlarının məlumatına görə, etirazlar qərb vilayətləri ilə yanaşı paytaxt Tehran və cənub-şərqdə yerləşən Bəlucistan əyalətinə də yayılıb. Polis aksiyaların təşkilində rol oynadığı iddia edilən şəxslərin, xüsusilə sosial şəbəkələrdə fəal olanların saxlanıldığını açıqlayıb.

ABŞ-ın dövlət katibi Marko Rubio Venesuelaya qarşı müharibə aparmadıqlarını, narkotik kartellərinə qarşı mübarizə apardıqlarını iddia edərək, iqtisadi blokada vasitəsilə “bu ölkənin gələcək istiqamətinin ABŞ tərəfindən müəyyən ediləcəyini” bildirib. ABŞ-ın Venesuelaya hərbi müdaxiləsi nəticəsində Venesuela Prezidenti Nikolas Maduronun saxlanılması ilə bağlı Amerika mediasına müsahibələr verən Rubio hərbi əməliyyatı müdafiə edib.

ABŞ-ın nəqliyyat naziri Şon Daffi Venesuelaya hərbi müdaxilədən sonra Karib hövzəsində hava məkanına tətbiq olunan məhdudiyyətlərin aradan qaldırıldığını açıqlayıb. Nazir ABŞ mərkəzli X sosial media platformasında paylaşdığı açıqlamada, Karib hövzəsi ətrafındakı hava məkanında dünən tətbiq olunmağa başlayan məhdudiyyətlərin yerli vaxtla saat 00:00-da başa çatacağını və uçuşların bərpa ediləcəyini bildirib. Daffi hava yolu şirkətlərinin məlumatlandırıldığını, vəziyyətdən təsirlənən sərnişinlərin uçuşlarla bağlı aviaşirkətlərdən məlumat almalarının vacib olduğunu qeyd edib.

ABŞ Prezidenti Donald Tramp administrasiyasının Venesuelaya qarşı hərbi müdaxiləsi və Venesuela Prezidenti Nikolas Maduronun saxlanılmasına etiraz məqsədilə Vaşinqtonda, Ağ Evin qarşısında nümayiş təşkil olunub. ABŞ-ın Venesuelaya hərbi müdaxiləsini pisləmək üçün toplaşan etirazçılar “Neft naminə qan tökülməsin”, “Bu müharibə qanunsuzdur”, “ABŞ, Latın Amerikasından əlini çək” və “Konqres, Trampın müharibəsini dayandır” şüarları yazılmış plakatlar qaldırıblar.

“Azadlığa Dəstək Aktı”na ədalətsiz 907-ci düzəliş ölkələrimiz arasında əlaqələrin bügünkü inkişafının mahiyyətinə uyğun deyil. Bunu Prezident İlham Əliyev bu gün ABŞ nümayəndə heyətini qəbul edərkən bildirib.

Azərbaycan Respublikasının Prezidenti İlham Əliyev yanvarın 4-də ABŞ nümayəndə heyətini qəbul edib.

ABŞ prezidenti Donald Tramp şənbə günü bildirib ki, ölkəsi Venesuelanı “təhlükəsiz, sabit və ağıllı bir keçid mümkün olana qədər” idarə edəcək. Bu açıqlama ABŞ-ın keçirdiyi hərbi əməliyyat nəticəsində Venesuela prezidenti Nikolas Maduro və onun həyat yoldaşının saxlanılmasından sonra səsləndirilib.

Ukrayna və Amerika Birləşmiş Ştatları prezidentləri yenidən görüşəcəklər. Bu barədə Ukrayna Prezidenti Volodimir Zelenski brifinqdə məlumat verib. Zelenski yanvarın sonunda ABŞ Prezidenti Donald Trampla sülh planını müzakirə etmək üçün yeni görüş keçirəcəyini açıqlayıb. Prezidentin sözlərinə görə, bundan əvvəl Avropa liderlərinin görüşü olacaq, orada təhlükəsizlik sənədləri yekunlaşdırılacaq. Liderlər bir çox məsələni müzakirə edəcəklər.

Amerika şirkətləri Venesuelanın neft sənayesinin bərpasına milyardlarla dollar sərmayə qoyacaq. Bunu ABŞ Prezidenti Donald Tramp bu gün keçirilən mətbuat konfransında deyib. “Venesuelanın neft sənayesi uzun müddət dərin tənəzzül vəziyyətində olub. Neft hasilatının həcmi ölkənin malik olduğu və reallaşdıra biləcəyi potensialla müqayisədə demək olar ki, yox səviyyəsində idi. Bu sahəyə dünyanın ən iri Amerika neft şirkətləri cəlb olunacaq. Onlar milyardlarla dollar sərmayə qoyacaq, ciddi şəkildə dağıdılmış neft infrastrukturunu bərpa edəcək və ölkə iqtisadiyyatına gəlirlərin daxil olmasını təmin edəcəklər”, - deyə o bildirib.

ABŞ hakimiyyətin lazımi şəkildə ötürülməsi həyata keçirilənədək Venesuelada mövcudluğunu qoruyacaq. Bunu ABŞ Prezidenti Donald Tramp bu gün keçirilən mətbuat konfransında deyib. “Heç bir hərbi texnika itkisi olmayıb və ən əsası, heç bir hərbçi həlak olmayıb. ABŞ Silahlı Qüvvələri planetin ən güclü ordusudur, düşmənlərimizin belə təsəvvür edə bilməyəcəyi imkanlara və bacarıqlara malikdir. Bizim dünyanın ən yaxşı avadanlıqları var. Bizdə olan texnika başqa heç yerdə yoxdur - bunu sadəcə donanmaya baxmaqla da görmək olar. Dəniz yolu ilə narkotik tədarükünün 97 faizinin qarşısını almışıq və bu narkotiklər əsasən Venesuela adlı ölkədən gəlir”, – deyə o bildirib.

ABŞ Silahlı Qüvvələri Venesuelanın paytaxtında bənzəri olmayan hərbi əməliyyat keçirib. Bunu ABŞ Prezidenti Donald Tramp bu gün keçirilən mətbuat konfransında deyib. “Hərbi əməliyyatın həyata keçirilməsi üçün ABŞ-ın hava, quru və dənizdən ibarət hərbi gücü səfərbər edildi; bu, insanların İkinci Dünya müharibəsindən bəri görmədiyi miqyasda bir zərbə idi. Əməliyyat Karakasın mərkəzində yerləşən güclü şəkildə möhkəmləndirilmiş hərbi istehkamı hədəf alaraq, qanundan kənar elan edilmiş diktator Nikolas Maduronun məsuliyyətə cəlb edilməsi məqsədi daşıyırdı”, - deyə o bildirib.

ABŞ Prezidenti Donald Tramp sosial media hesabında Venesuela Prezidenti Nikolas Maduronun şəklini paylaşıb. O Maduronun ABŞ Hərbi Dəniz Donanmasına aid “USS Iwo Jima” gəmisində olduğunu bildirib. Fotodan Maduronun qulağında qulaqlıq, əllərinin qandallı, gözlərinin isə bağlı olduğu görünür.

İsrail ABŞ-ın Venesuelaya qarşı həyata keçirdiyi hərbi əməliyyat və ölkə prezidenti Nikolas Maduronun saxlanılması ilə bağlı iddialara münasibət bildirib. İsrailin xarici işlər naziri Gideon Saar sosial şəbəkə üzərindən yaydığı açıqlamada ABŞ-ın Venesuelada həyata keçirdiyi addımları “təqdir etdiklərini” və “əziyyət çəkən Venesuela xalqının yanında olduqlarını” bəyan edib. Saar bildirib ki, ABŞ Prezidenti Donald Tramp rəhbərliyi altında Vaşinqton “azad dünyanın lideri kimi hərəkət edir”. O, İsrailin Maduro hakimiyyətinin devrilməsini müsbət qiymətləndirdiyini və gələcəkdə İsrail ilə Venesuela arasında dostluq münasibətlərinin qurulacağına ümid etdiklərini qeyd edib.

ABŞ Prezidenti Donald Trampın Venesuela Prezidenti Nicolas Maduro və onun həyat yoldaşı Cilia Floresnin ABŞ qüvvələri tərəfindən saxlanıldığını iddia etməsi beynəlxalq aləmdə ciddi suallar doğurub. Rəsmi Karakas bu məlumatı təsdiqləməyib və Vaşinqtondan sübut tələb edir. Venesuelanın vitse-prezidenti Delcy Rodriguez dövlət televiziyasında yayımlanan müraciətində hökumətin Maduro və Floresin harada olduğu barədə məlumatının olmadığını bildirib. Onun sözlərinə görə, ABŞ tərəfi onların sağ qalmasına dair rəsmi dəlillər təqdim etməlidir.

Maduro və həyat yoldaşı Nyu Yorkda ittiham aktından sonra cinayət məsuliyyətinə cəlb olunacaq. Bu barədə xarici KİV-lər məlumat yayıb. ABŞ baş prokuroru Pam Bondi bildirib ki, devrilmiş Venesuela lideri Nikolas Maduro və həyat yoldaşı Silia Flores Nyu Yorkda irəli sürülmüş ittiham aktından sonra cinayət məsuliyyətinə cəlb olunacaqlar. Bondi sosial şəbəkə hesabındakı paylaşımında vurğulayıb ki, bu cütlük tezliklə Amerika torpağında, Amerika məhkəmələrində Amerikanın ədalətinin bütün sərtliyi ilə üzləşəcək.

Avropa İttifaqı ABŞ qüvvələrinin Venesuela Prezidenti Nikolas Maduronun tutulması və ölkədən çıxarılması ilə nəticələnən genişmiqyaslı hərbi əməliyyatdan sonra sakitlik və beynəlxalq hüquqa hörmət olunmasına çağırıb. Aİ-nin xarici siyasət üzrə ali nümayəndəsi Kaja Kallas bildirib ki, blok uzun müddətdir Maduro hökumətinin legitimliyini tanımır və ölkədə sülh yolu ilə hakimiyyət dəyişməsini dəstəkləyir.

Belarus prezidenti Aleksandr Lukaşenko ABŞ-ın Venesuelaya qarşı həyata keçirdiyi hərbi əməliyyatları qəti şəkildə pisləyib. Eysmont bildirib ki, Lukaşenko ABŞ-ın hərbi təcavüz aktını qəbuledilməz hesab edir və bunun region üçün ciddi nəticələr doğura biləcəyini vurğulayıb. O, daha əvvəl ABŞ nümayəndələrinə açıqlayıb ki, ABŞ və Venesuela arasında hipotetik konflikt “ikinci Vyetnam” kimi fəsadlarla nəticələnə bilər.

"Yalnız indi Marko Rubio ilə telefon danışığını bitirdim. O mənə bildirdi ki, Nikolas Maduro ABŞ-ın hərbi qüvvələri tərəfindən cinayət ittihamları üzrə məhkəmə araşdırmasının aparılması üçün saxlanılıb və bu gün müşahidə etdiyimiz hərbi tədbirlər həbs orderini icra edənlərin qorunması üçün həyata keçirilib"- bu açıqlama ABŞ senatoru, respublikaçı Mayk Li tərəfindən paylaşılıb.