BAKI,AzerVoice, Fərid Mikayılov
ABŞ Dövlət Katibi Marko Rubio bildirib ki, Venesuela prezidenti Nikolas Maduro hazırda ABŞ-da saxlanılır.
AzerVoice xəbər verir ki, bu açıqlama ABŞ senatoru, respublikaçı Mayk Li tərəfindən paylaşılıb.
"Yalnız indi Marko Rubio ilə telefon danışığını bitirdim. O mənə bildirdi ki, Nikolas Maduro ABŞ-ın hərbi qüvvələri tərəfindən cinayət ittihamları üzrə məhkəmə araşdırmasının aparılması üçün saxlanılıb və bu gün müşahidə etdiyimiz hərbi tədbirlər həbs orderini icra edənlərin qorunması üçün həyata keçirilib"- deyə Mayk Li X sosial şəbəkəsində yazıb.
Əvvəllər Venesuela hökuməti Maduronun harada olması və onun həyatda olduğuna dair məlumat tələb etmişdi. ABŞ Prezidenti Donald Tramp isə Maduro və onun həyat yoldaşının ələ keçirildiyini açıqlamışdı.
Hazırda həm ABŞ, həm də Venesuela ictimaiyyəti hadisələrin gedişatını yaxından izləyir.