BAKI, AzerVoice,Nailə Babazadə
Keçən mövsüm icarə əsasında Fənərbaxçada çıxış edən fransız futbolçu Allan Saint-Maximin, Meksika təmsilçilərindən Club America klubuna transfer olunub.
AzerVoice xəbər verir ki,Meksika Liqasının nəhənglərindən sayılan Club America, Saint-Maximini Səudiyyə Ərəbistanının Al Ahli klubundan heyətinə qatıb. Transferin təxminən 12 milyon dollar qarşılığında reallaşdığı iddia olunur.
Fransız futbolçu bu gün tibbi müayinədən keçir.
Qeyd edək ki, Allan Saint-Maximin peşəkar futbol karyerasına 2013-cü ildə Fransanın “Saint-Etienne” klubunda başlayıb. Daha sonra 2015-ci ildə “Monaco”ya transfer olunan hücumçu, buradan “Hannover 96” və “Bastia” klublarına icarəyə göndərilib.
2017-ci ildə “Nice” ilə müqavilə imzalayan Saint-Maximin burada iki mövsüm keçirdikdən sonra, 2019-cu ildə Premyer Liqa təmsilçisi “Newcastle United”a transfer olunub. Burada sürətli driblinqləri və hücumdakı effektivliyi ilə yadda qalıb.
2023-cü ildə Səudiyyə Ərəbistanının “Al Ahli” klubuna keçən Saint-Maximin, 2024–25 mövsümü üçün icarə əsasında “Fənərbaxça”da çıxış edib və Super Liqada 4 qol, 4 assistlə komandasına töhfə verib.