BAKI, AzerVoice, Fərid Mikayılov

Çelsi Barselonanın gənc yarımmüdafiəçisi Fermin Lopezin transferində, 22 yaşlı futbolçu üçün 50 milyon avroluq təklif irəli sürüb, lakin Barselona oyunçunun dəyərini ən azı 70 milyon avro olaraq müəyyənləşdirib.

AzerVoice xəbər verir ki, Kataloniya təmsilçisi yalnız iki halda transferə razı ola biləcəyini açıqlayıb: Fermin Lopez özü ayrılmaq istədiyini bildirməli və Premyer Liqa klublarının xərcləmə miqyasına uyğun sərfəli təklif masaya qoyulmalıdır.

Çelsi rəhbərliyi oyunçuya 48 saat vaxt verib. Bu müddətdə futbolçu qərarını verməsə, London klubu digər hədəflərə yönələcək.

Yeni baş məşqçi Hansi Flik Fermin Lopezi komandasının əsas oyunçularından biri kimi görür. Gənc futbolçu ötən mövsümün sonlarında parlaq çıxışı ilə Barselonanın La Liqa çempionluğunda əhəmiyyətli rol oynamışdı.

Hazırda 2029-cu ilə qədər müqaviləsi qüvvədə olan Lopezin qalması üçün Barselona əlverişli mövqedədir.

Bu yay Çelsi artıq 280 milyon avrodan çox sərmayə qoyaraq 18 transfer həyata keçirib. Joao Pedro, Jamie Gittens, Jorrel Hato, Liam Delap və Estevao Villian kimi futbolçularla heyətini gücləndirən London klubu indi diqqətini Ferminə yönəldib.

Kataloniya klubu isə danışıqlarda təmkinli görünür və yalnız böyük məbləğli təklif gələcəyi halda oyunçunun transferinə razı ola biləcəyini açıqlayıb.