BAKI,AzerVoice, Fərid Mikayılov
Qalatasaray klubu qapıçı Uğurcan Çakırın transferini rəsmən açıqlayıb.
AzerVoice xəbər verir ki, sarı-qırmızılılar 29 yaşlı futbolçu ilə 5 illik müqavilə imzalayıb.
Klubun rəsmi açıqlamasına görə, Trabzonspora transfer müqaviləsi çərçivəsində 27,5 milyon avro + ƏDV ödəniləcək. Bununla yanaşı, Uğurcan Çakır 2029/2030 mövsümünün sonuna qədər Qalatasaray formasını geyinəcək.
Qapıçının illik qarantili maaşı belə olacaq:
- 2025-2026 mövsümü: 110 milyon lirə
- 2026-2027 mövsümü: 120 milyon lirə
- 2027-2028 mövsümü: 130 milyon lirə
- 2028-2029 mövsümü: 140 milyon lirə
- 2029-2030 mövsümü: 150 milyon lirə
Beləliklə, Uğurcan Çakır önümüzdəki 5 il ərzində ümumilikdə 650 milyon lirə məbləğində maaş qazanacaq.
Bu transfer Türkiyə futbolu tarixində qapıçı mövqeyi üçün ən yüksək məbləğli anlaşmalardan biri kimi qiymətləndirilir. Qalatasarayın Çakırı heyətinə qatması, həm daxili arenada, həm də Avropa səhnəsində iddialarını gücləndirmək məqsədi daşıyır.
