BAKI, AzerVoice, Nailə Babazadə
Fənərbaxça baş məşqçisi Joze Mourinyo ilə yollarını ayırdığını açıqlayıb.
AzerVoice xəbər verir ki, komanda bu barədə açıqlama yayıb.
"2024-2025 mövsümündən Peşəkar Futbol A Komandamızın baş məşqçisi olan Joze Mourinyo ilə yollarımızı ayırdıq. Ona komandamız üçün göstərdiyi səylərə görə təşəkkür edir və gələcək karyerasında uğurlar arzulayırıq". - deyə paylaşımda qeyd edilir.
Qeyd edək ki, Mourinyonun rəhbərliyi altında Fənərbaxça 62 rəsmi matça çıxıb. Mourinyo bu görüşlərdə 37 qələbə, 14 heç-heçə və 11 məğlubiyyətlə yadda qalıb.
