BAKI, AzerVoice, Nailə Babazadə
Fənərbaxça, Portuqaliyanın “Benfika” klubunun formasını geyinən Türkiyə milli komandasının oyunçusu Kerem Aktürkoğlunu transfer etdi. Portuqaliya klubu transferi rəsmi internet saytında təsdiqləyib.
AzerVoice xəbər verir ki,Benfika klubunun açıqlamasında, Kerem Aktürkoğlunun transferi üçün Fənərbaxça ilə prinsipial razılıq əldə olunduğu bildirilib.
Açıqlamaya görə, futbolçunun idman hüquqlarının davamlı transferi üçün 22,5 milyon avro ödəniləcək və performansa bağlı bonuslarla bu məbləğ 25 milyon avroya qədər yüksələ bilər.
Benfica eyni zamanda keçmiş klubu olan Qalatasarayın transferdə öncülük haqqına sahib olduğunu və bu barədə məlumatlandırıldığını da qeyd edib.
Karyerası
Kerem Aktürkoğlu peşəkar karyerasına 2016-cı ildə Bodrum FK klubunda başlayıb.
Türkiyə Kubokunda Sarıyerə qarşı ilk dəfə meydana çıxıb və 3-cü Liqada ilk mövsümünü 28 oyunda 4 qolla tamamlayıb.
2018-ci ildə Karacabey Belediyespor klubuna transfer olunan Kerem, burada 35 oyunda 3 qol vurub.
2019–20 mövsümündə 24 Erzincanspor klubuna keçidi onun karyerasında dönüş nöqtəsi olub. Bu klubda 34 oyunda 20 qol vuraraq 3-cü Liqanın bombardiri olub və komandasını 2-ci Liqaya daşıyıb.
Super Liqaya transferi
Bu uğurlu çıxışı Qalatasarayın diqqətini çəkib və 2020-ci ilin yayında sarı-qırmızı kluba transfer olunub.
Qalatasaraydakı ilk mövsümündə 29 oyuna çıxaraq 8 qol töhfəsi verib.
2022–23 mövsümündə Super Liqa çempionu olub və 12 assistlə assist kralı seçilib.
2023–24 mövsümündə 54 oyunda 15 qol və 8 assist göstərib. Çempionlar Liqasında qrup mərhələsində iki qol vurub.
Portuqaliya macərası
3 sentyabr 2024-cü ildə 12 milyon avro qarşılığında Portuqaliyanın Benfika klubuna transfer olub və ilk mövsümə sürətli başlanğıc edib.
Benfica formasında ilk 7 oyunda 8 qol töhfəsi verib. UEFA Çempionlar Liqasında ardıcıl 3 oyunda qol vurub.
İlk mövsümündə Liqa Kubokunu qazanan Aktürkoğlu, son günlərdə oynanmış Portuqaliya Superkuboku finalında da qalib tərəfdə olub.
A Milli Komanda karyerası
Kerem Aktürkoğlu, Türkiyə A Milli Komandasında ilk dəfə 27 may 2021-ci ildə Azərbaycanla keçirilən yoxlama oyununda forma geyinib.
EURO 2020 heyətində yer alsa da, oyun şansı qazanmayıb.
EURO 2024-də Gürcüstana vurduğu son dəqiqə qolu ilə diqqət çəkib.
