Bakı, AzerVoice
Bu gün qadın futbolçular arasında AVRO-2025-in pley-off mərhələsinin püşkü atılıb.
AzerVoice İdman.biz-ə istinadən xəbər verir ki, İsveçrənin Nyon şəhərində keçiriləcək tədbirdə millimizin rəqibi bilinib.
Siyasət Əsgərovun yetirmələri 1-ci raundun 2-ci yolunda Portuqaliyaya qarşı mübarizə aparacaq. Yığmamızın yer aldığı cütün 2-ci mərhələdəki mümkün rəqibləri Belarus – Çexiya görüşünün qalibi olacaq.
Komandamız ilk oyununu oktyabrın 23-də evdə, cavab görüşünü isə oktyabrın 29-da səfərdə keçirəcək.
Qeyd edək ki, pley-offda ümumilikdə 28 komanda 14 cütdə mübarizə aparacaq. 14 cütün qalibləri 2-ci mərhələdə görüşəcək. Həmin matçlar noyabrın 27-də və dekabrın 3-də baş tutacaq.