BAKI, AzerVoice
Türkiyə, 85 milyon 664 min 944 nəfərlik əhalisi ilə dünya ölkələri arasında 18-ci sırada yer alır.
AzerVoice xəbər verir ki, Birləşmiş Millətlər Təşkilatının (BMT) məlumatına görə, 2024-cü ildə Hindistan 1 milyard 450 milyon nəfərlə dünyanın ən çox əhaliyə malik ölkəsi olub. Onu Çin və ABŞ izləyib. Bu üç ölkə dünya əhalisinin 39,4 faizini təşkil edir. Türkiyə isə ümumi əhalinin 1 faizini təşkil edərək 194 ölkə arasında 18-ci sırada qərarlaşıb.
2024-cü ildə 0–17 yaş aralığındakı uşaq əhalisinin ən yüksək olduğu ölkə 56,5 faizlə Orta Afrika Respublikası olub. Türkiyədə bu göstərici 25,5 faiz təşkil edib və dünya orta göstəricisi olan 29,6 faizdən aşağı olsa da, Aİ üzrə ən yüksək göstəriciyə malik İrlandiyanın (22,7 faiz) belə üstündə yer alıb.
15–24 yaş arası gənc əhalinin nisbətinə görə Suriya 23,5 faizlə ilk sıradadır. Türkiyənin gənc əhalisi 14,9 faiz təşkil edir ki, bu da dünya ortalaması olan 15,6 faizdən az olsa da, Aİ ölkələri arasında ən yüksək göstərici olan İrlandiyanın (13,3 faiz) belə üstündədir.
65 yaş və üzəri yaşlı əhali üzrə Monako 36,2 faizlə ilk sıradadır. Türkiyədə isə bu göstərici 10,6 faiz təşkil edir – dünya ortalaması olan 10,2 faizdən yüksək olsa da, Aİ-dəki ölkələrlə müqayisədə xeyli aşağıdır. Aİ-də İtaliya (24,6%), Portuqaliya (24,5 faiz) və Yunanıstan (23,9 faiz) yaşlı əhali payında liderdir.
2024-cü ildə Türkiyənin ümumi doğuş göstəricisi hər qadına 1,48 uşaq olub. Bu rəqəm dünya ortalaması olan 2,25-dən aşağı olsa da, Aİ-nin 27 ölkəsinin orta göstəricisindən yuxarıdır. Aİ-də ən yüksək doğuş göstəricisi Bolqarıstanda (1,75), ən aşağısı isə Maltada (1,11) qeydə alınıb.
2024-cü ildə dünya üzrə doğuşda gözlənilən ömür uzunluğu ümumilikdə 73,3 il, kişilər üçün 70,7 il, qadınlar üçün isə 76 il olub. Türkiyədə kişilər üçün bu göstərici 74,7 il, qadınlar üçün 80 il təşkil edib. Bu, dünya ortalamasından yüksək olsa da, Aİ ortalamasından aşağıdır. Aİ-də qadınlar üçün ən yüksək ömür uzunluğu İspaniyada (86,4 il), kişilər üçün isə İtaliyada (81,8 il) qeydə alınıb.
