BAKI, AzerVoice
ABŞ prezidenti Donald Tramp, bu il ABŞ-ın İst-Raterford şəhərində keçiriləcək FIFA Klublar Dünya Çempionatının final oyununda iştirak edəcək.
AzerVoice xəbər verir ki, bu barədə ABŞ media qurumları məlumat yayıb.
FIFA prezidenti Canni İnfantino mətbuata açıqlamasında bildirib ki, hazırda keçirilən Klublar Dünya Çempionatı və 2026-cı ildə baş tutacaq Dünya Çempionatı üçün ABŞ hökuməti və Tramp tərəfindən güclü dəstək alıblar.
“Bu turnirlərin təşkili üçün Ağ Evin işçi qrupundan və Prezidentdən ciddi dəstək gördük” – deyə İnfantino qeyd edib.
Qeyd edək ki, Donald Tramp ikinci prezidentlik müddəti ərzində idman tədbirlərinə xüsusi diqqət ayırır. O, bu ilin fevralında ABŞ-da keçirilən məşhur "Super Bowl" turnirinin final oyununu da stadionda izləyib.
Bu il ilk dəfə 32 komandanın iştirakı ilə keçirilən və ümumi mükafat fondu 1 milyard ABŞ dolları olan FIFA Klublar Dünya Çempionatının final oyunu 13 iyulda baş tutacaq. Yarış, dünyanın ən güclü klublarının bir araya gəldiyi prestijli beynəlxalq turnir kimi qəbul olunur.
