Türkiyə, bu gün Qətərdə Qəzza zolağında atəşkəsə nail olmaq məqsədilə keçiriləcək vasitəçilik toplantısında iştirak edəcək. Toplantıda Türkiyəni Milli Kəşfiyyat Təşkilatının (MİT) rəhbəri İbrahim Kalın təmsil edəcək. Görüşdə Qəzzada atəşkəsin təmin olunması və bölgədəki humanitar vəziyyətin yüngülləşdirilməsi istiqamətində diplomatik səylər müzakirə olunacaq.

İsrailin hücumları və tətbiq etdiyi blokada səbəbilə aclıq yaşanan Qəzza zolağında indiyədək 453 fələstinlinin aclıqdan həyatını itirdiyi bildirilib. Qəzzadakı Fələstin Səhiyyə Nazirliyi tərəfindən yayılan yazılı açıqlamada, İsrail ordusunun bölgəyə tətbiq etdiyi aclıq siyasətinin səbəb olduğu insan tələfatı ilə bağlı son məlumatlar paylaşılıb. Bəyanata əsasən, 7 oktyabr 2023-cü ildən bu günədək aclıq səbəbilə həyatını itirənlərin sayı 150-si uşaq olmaqla 453 nəfərə yüksəlib.

Qətər və Misirin, ABŞ Prezidenti Donald Tramp tərəfindən təqdim edilən və Qəzzada münaqişəni sonlandırmağı hədəfləyən 20 maddəlik planı HƏMAS-a çatdırdığı bildirilib. Bu barədə məlumat "El-Kahire News" telekanalına danışan, adının açıqlanmasını istəməyən misirli təhlükəsizlik mənbəsinə istinadla verilib. Məlumata görə, Trampın “Qəzza Münaqişəsini Sonlandıracaq Əhatəli Planı”, hər iki ölkə tərəfindən HƏMAS-a təqdim olunub.

Fələstin rəhbərliyi ABŞ Prezidenti Donald Trampın təqdim etdiyi “Qəzza Münaqişəsini Sonlandıracaq Genişmiqyaslı Plan”ı müsbət qarşılayıb. Fələstin Dövlət Prezidentliyinin yazılı açıqlamasında bildirilib ki, Trampın Qəzzadakı müharibənin dayandırılması istiqamətində göstərdiyi təşəbbüs məmnuniyyətlə qarşılanır.

ABŞ Prezidenti Donald Tramp, İsrail və Fələstin arasında sülhün təmin olunması üçün 20 maddəlik Qəzza planını açıqlayıb. Plana əsasən, ABŞ hər iki tərəfi dialoqa təşviq edəcək və razılıq əldə olunarsa, hücumlar dayandırılacaq. Trampın sözlərinə görə, plan bölgədə daimi sabitliyin yaradılmasına yönəlib. Planın əsas bəndlərinə görə, İsrail Qəzzanı ilhaq etməyəcək və bölgəni işğal etməyəcək. Eyni zamanda, Fələstinlilər Qəzzanı tərk etməyə məcbur edilməyəcək. Qəzza zolağına dərhal humanitar yardım göndəriləcək və bu yardım Birləşmiş Millətlər Təşkilatı ilə Qızıl Aypara vasitəsilə çatdırılacaq. Həmçinin bölgəyə müvəqqəti beynəlxalq sülhməramlı qüvvələr yerləşdiriləcək. Bu qüvvələrin tərkibində ABŞ, ərəb ölkələri və digər beynəlxalq tərəfdaşlar təmsil olunacaq.

Birləşmiş Millətlər Təşkilatının (BMT) Yaxın Şərq Sülh Prosesi üzrə Xüsusi Koordinatorunun müavini Ramiz Ələkbərov, Qəzzada İsrailin hərbi əməliyyatlarını tənqid edərək bölgədəki vəziyyətin əxlaqi, siyasi və hüquqi baxımdan qəbuledilməz olduğunu bəyan edib. Ramiz Ələkbərov bu fikirləri BMT Təhlükəsizlik Şurasının “Fələstin məsələsi də daxil olmaqla Yaxın Şərqdəki vəziyyət” mövzusunda keçirilən iclasında səsləndirib. “Qəzza zolağında İsrailin hərbi əməliyyatlarının intensivləşməsi məni dəhşətə salır,” – deyə Ələkbərov bildirib və əlavə edib ki, İsrailin hücumları fələstinlilərə görünməmiş miqyasda ölüm və dağıntı gətirməyə davam edir.

İsrail prezidenti İshaq Hersoqun bazar ertəsi verdiyi açıqlama - baş nazir Benyamin Netanyahunu korrupsiya işlərində əfv etmək imkanını nəzərdən keçirəcəyini deməsi - Təl-Əviv siyasi səhnəsində geniş əks-səda doğurdu. Siyasi mənbələr bildirirlər ki, bu məsələni indi gündəmə gətirmək sadəcə bir ideya deyil, həm İsraildə, həm də ABŞ-da aparılan geniş səylərin bir hissəsidir. Məqsəd Netanyahuya həbsdən azadlıq qarşılığında müəyyən mərhələdə siyasətdən getmə şərtilə razılaşma əldə etməkdir.

İsrail ordusunun 7 oktyabr 2023-cü ildən etibarən Qəzza zolağına həyata keçirdiyi hücumlar nəticəsində həyatını itirənlərin sayı son 24 saat ərzində 50 nəfər artaraq 66 min 55-ə çatıb. Bu barədə Qəzzadakı Səhiyyə Nazirliyi yazılı açıqlama yayıb. Bildirilib ki, ötən sutka ərzində bölgədəki xəstəxanalara 50 meyit və 184 yaralı çatdırılıb. Nazirliyin məlumatına görə, İsrail ordusunun 19 yanvarda əldə olunmuş atəşkəsi pozaraq 18 martdan bəri Qəzzaya davam etdirdiyi hücumlar nəticəsində 13 min 187 fələstinli həlak olub, 56 min 305 nəfər yaralanıb.

Misir Prezidenti Əbdülfəttah əs-Sisi bu gün, bazar ertəsi, Birləşmiş Ərəb Əmirliklərinin Prezidenti Şeyx Məhəmməd bin Zayed Əl Nəhyanı Qahirədə qəbul edib.Görüşdə regional məsələlər, xüsusilə də Qəzza zolağındakı vəziyyət müzakirə olunub. Misir Prezidentliyinin açıqlamasına görə, iki lider ABŞ Prezidenti Donald Trampın bölgədə müharibəni dayandırmaq üçün irəli sürdüyü təşəbbüsü alqışlayıb və bu sülh təşəbbüsünün dəstəklənməsinin bölgədə hərtərəfli və davamlı sülhün bərqərar olması yolunda mühüm addım olduğunu vurğulayıblar.

İsrail ordusunun Qəzza zolağının müxtəlif bölgələrinə həyata keçirdiyi son hücumlar nəticəsində daha 23 fələstinli həlak olub. Səhiyyə mənbələrinin və hadisə şahidlərinin verdiyi məlumata görə, İsrail ordusu bu gün səhər saatlarında Qəzzanın mərkəzi, şimal və cənub hissələrində hücumlar həyata keçirib. İsrail hərbçiləri, həmçinin Qəzza və Xan Yunis şəhərlərində yerləşən məhəllələrə pilotsuz və bombalı quru vasitələri ilə hücum edib.

Avstraliya Baş naziri Entoni Albanese ölkəsinin Fələstin Dövlətini tanımaq qərarını bir daha vurğulayıb. Albanese, SBS News-ə verdiyi açıqlamada Avstraliyanın Fələstin Dövlətini tanımaq qərarına münasibət bildirib. “Dünya bu məsələdə (Fələstin Dövlətinin tanınması) açıq və böyük əksəriyyətlə mövqeyini ortaya qoyub. İnsanlar Yaxın Şərqdə sülh, atəşkəs, girovların azad edilməsini və Qəzza xalqına humanitar yardımların çatdırılmasını istəyir.”- deyə qeyd edib. Qeyd edəkk ki, Albanese-nin bu açıqlaması, İsrailin Baş naziri Benyamin Netanyahunun 25 sentyabrda beynəlxalq ictimaiyyətə meydan oxuyaraq Fələstini tanıyan Qərb ölkələrini hədəf almasından sonra gəlib.

İsrail ordusu Qəzzanın qərbində yerləşən Nasr məhəlləsindəki əl-Hılu xəstəxanasını iki dəfə artilleriya atəşinə tutub, təxminən 100 tibb işçisi və xəstənin xəstəxanada mühasirədə qaldığı bildirilib. Qəzzadakı Hökumətin Media Ofisinin rəhbəri İsmayıl əs-Səvabtə Anadolu Agentliyinə verdiyi açıqlamada bildirib ki, İsrail ordusunun top atəşi ilə hədəf aldığı əl-Hılu xəstəxanasının internet bağlantısı kəsilib və xəstəxanada qalan 100-ə yaxın tibb işçisi ilə xəstə böyük qorxu içindədir. Sağlamlıq mərkəzlərinə edilən hücumların "insanlığa qarşı cinayət və müharibə cinayəti" olduğunu vurğulayan Səvabtə əlavə edib ki, 7 oktyabr 2023-cü ildən etibarən İsrailin Qəzza Zolağına başlatdığı hücumlar nəticəsində 38 xəstəxana fəaliyyətini dayandırıb, 96 səhiyyə mərkəzi hədəf alınıb və 197 təcili yardım maşını məhv edilib.

İsrail dövlət televiziyası KAN, İsrail ordusunun Qəzza zolağına humanitar yardım aparmaq üçün yola çıxan və Aralıq dənizində hərəkətini davam etdirən “Azadlıq Flotiliyası”na müdaxilə etməyə hazırlaşdığını bildirib. Onlarla gəmindən ibarət flotiliya dörd gün ərzində Qəzzaya çatacaq.

Tramp “Truth Social” platformasında paylaşım edərək yazıb:“Yaxın Şərqdə böyük nailiyyətlər əldə etmək üçün real imkanımız var. Hamı xüsusi bir şey üçün hazırdır, tarixdə ilk dəfə... Biz bunu həyata keçirəcəyik”.

İsrailin “Kan” televiziya kanalı isə xəbər verib ki, ABŞ prezidentinin xüsusi nümayəndəsi Stiv Vitkof və kürəkəni Cared Kuşner Nyu-Yorkda Netanyahu ilə görüş zamanı ona belə deyiblər:

İsrail qüvvələri Qəzza şəhərinin böyük hissəsinə nəzarəti ələ keçirib.İsrail Müdafiə Ordusu (ÇAXAL) Qəzza şəhərinin yarısından çoxuna nəzarət edir və 800 min sakin bölgəni tərk edib", - deyə bildirilib.

İsrail ordusunun Qəzza zolağına endirdiyi hücumlar nəticəsində daha bir fələstinli jurnalist həyatını itirib. Qəzzadakı hökumətin Media Ofisinin yaydığı yazılı açıqlamada bildirilib ki, İsrail ordusu Qəzza zolağının mərkəzində yerləşən Deyr əl-Bəlah şəhərində bir çadıra hava hücumu həyata keçirib. Nəticədə, Fələstin Media Mərkəzinin əməkdaşı, jurnalist Məhəmməd əd-Daye həlak olub. Açıqlamada qeyd olunur ki, 7 oktyabr 2023-cü ildən bu günədək Qəzzada öldürülən jurnalistlərin sayı 252-yə çatıb.

Qəzza zolağında məcburi köçkün düşən fələstinlilərin yaşadığı çadırların 93 faizinin çökdüyü, istifadə üçün yararsız hala gəldiyi və artıq sığınacaq kimi istifadə oluna bilmədiyi bildirilib. Qəzzadakı hökumətin Media İdarəsinin rəhbəri İsmayıl əs-Səvabite açıqlama verib. “135 min çadırdan 125 mini çöküb və yaşamaq üçün yararsız hala gəlib. İsrailin mart ayından bu yana tətbiq etdiyi sərt blokada səbəbindən yeni çadır təmin edilə bilmir, humanitar yardımın bölgəyə daxil olması əngəllənir.” - deyə Səvabite qeyd edib. Səvabite qeyd edib ki, İsrailin son iki il ərzində davam edən hücumlarında on minlərlə çadır birbaşa bombalanaraq sıradan çıxarılıb, digərləri isə isti hava və güclü külək kimi təbii təsirlər nəticəsində zərər görüb.

İsrail ordusunun Qəzza zolağının müxtəlif bölgələrinə endirdiyi son hücumlarda, aralarında humanitar yardım gözləyənlərin də olduğu 24 fələstinli həyatını itirib. Hadisə şahidlərinin və səhiyyə mənbələrinin verdiyi məlumata görə, İsrail ordusu Qəzza zolağının şimal, mərkəz və cənub hissələrində mülki əraziləri və guya “humanitar yardım paylama mərkəzlərini” hədəfə alıb. İsrail ordusu gecə boyunca Qəzzanın şimal bölgəsini intensiv bombardman edib. Hücumlar nəticəsində çoxsaylı binalar tamamilə dağıdılıb.

Türkiyə Prezidenti Rəcəb Tayyib Ərdoğan, Birləşmiş Millətlər Təşkilatının (BMT) 80-ci Ümumi Məclisi çərçivəsində və ABŞ Prezidenti Donald Trampın dəvəti ilə Vaşinqtonda həyata keçirdiyi səfərin ardından ölkəsinə qayıdıb. Təyyarədə jurnalistlərə açıqlama verən Türkiyə Prezidenti Ərdoğan, BMT üzvü dövlət və hökumət başçılarının geniş iştirak etdiyi Ümumi Məclis iclaslarında Türkiyənin güclü iştirakını vurğulayıb.

İsrail ordusu, işğal məqsədilə başladığı quru hücumlarına paralel olaraq, Qəzza zolağına hava bombardmanlarını da intensivləşdirib. Son 24 saat ərzində 140-dan çox hava hücumu həyata keçirilib. Hücumlar, aclıq və qırğınlara baxmayaraq, torpaqlarını tərk etmək istəməyən fələstinlilərin sığındığı Qəzza şəhərində xüsusilə sıxlaşıb. İsrail ordusu, bölgədə yaşayan fələstinliləri qırğınlarla şimala və cənuba doğru köçməyə məcbur edir. Qəzza şəhəri həm hava, həm də quru əməliyyatları ilə bombalanır. Buna baxmayaraq, yüz minlərlə fələstinli şəhərdə qalmağa davam edir. İsrailin hücumları yalnız Qəzza şəhəri ilə məhdudlaşmayıb, həmçinin Qəzza zolağının orta və cənub hissələrində də davam etməkdədir.

Buna icazə verməyəcəyəm. Netanyahu ilə danışdım, İsrailin Qərb Şəriəni ilhaq etməsinə icazə verməyəcəyəm. Bu qədər kifayətdir. Artıq dayanma vaxtıdır. ABŞ Prezidenti Tramp, Ağ Evdəki Oval Ofisdə keçirdiyi bir imza mərasimində gündəmə dair sualları cavablandırarkən, işğal altındakı Qərb Şəriə ilə bağlı açıqlama verib. Tramp bu gün bəzi Yaxın Şərq liderləri və İsrail Baş naziri Benyamin Netanyahu ilə danışdığını xatırladaraq, Qəzza və Qərb Şəriə ilə bağlı məsələləri müzakirə etdiklərini bildirib.

Fələstin İqtisadiyyat Nazirliyi, İsrailin işğal altındakı İordan çayının qərb sahilində yerləşən və "dünyaya açılan yeganə qapı" kimi tanınan Kral Hüseyn (Allenby) körpüsünü bağlama qərarına kəskin reaksiya verib. Nazirlik bildirib ki, sərhədin bağlanması iqtisadi, sosial və humanitar fəlakətə yol aça bilər. Yazılı açıqlamada qeyd olunub ki, Kerame adlandırılan bu sərhəd keçidi Fələstin xalqının ixrac və idxal əməliyyatları üçün həyati əhəmiyyət daşıyır. Fələstin istehsalçılarının dünya bazarına çıxışı, ərzaq təhlükəsizliyi və humanitar yardımların çatdırılması bu keçid məntəqəsindən asılıdır.

Dünya siyasəti absurd teatrı xatırladır - burada faciə ilə komediya bir səhnədə oynanır, baş rejissor Tarixisə amansız hökmünü verir. Bu gün öndəki əsas müttəhim Birləşmiş Millətlər Təşkilatının Təhlükəsizlik Şurasıdır. Onun "məhkəmə"si rutin hüquqi prosedur deyil, Qarabağın döyüş meydanlarında, Qəzzanın xarabalıqlarında və aclıqdan əzab çəkən afrikalıların məhzur baxışlarındakı dramdır. Bu məhkəmədə ittiham tərəfinin əsas şahidi isə Azərbaycan oldu - ağrı və qürurla nəfəs alan tarixi ilə BMT-nin öz solmaqda olan simasını gördüyü canlı aynası.