Venesuela ABŞ tərəfindən mümkün hücum halında iki fərqli cavab strategiyası hazırlayıb. Məlumata görə, birinci plan ölkə daxilində partizan müqavimətinin təşkilini nəzərdə tutur.

ABŞ prezidenti Donald Trampın administrasiyası Ağ Evin rəsmi saytında virtual rüsvayçılıq (şəxsi nüfuzun sarsılması) lövhəsini yaradıb. Xarici KİV xəbər verir ki, bu barədə Ağ Evin mətbuat katibi Kerolayn Livitt bəyan edib.

ABŞ Prezidenti Donald Tramp Co Baydenin avtomatik qələmlə imzaladığı bütün sənədləri ləğv etdiyini açıqlayıb. O bildirib ki, Bayden dövründə sənədlərin təxminən 92 faizi autopen vasitəsilə imzalanıb və bunun qanunsuz şəkildə həyata keçirildiyini vurğulayıb.

ABŞ Prezidenti Donald Tramp “ABŞ sisteminin tam bərpa oluna bilməsi üçün üçüncü dünya ölkələrindən gələn bütün miqrasiyanı daimi olaraq dayandıracağam” açıqlamasını verib. Tramp, ABŞ mənşəli Truth Social hesabında miqrasiya siyasəti ilə bağlı açıqlama yayımlayıb. ABŞ-ın texnoloji baxımdan inkişaf etmiş olduğunu, lakin miqrasiya siyasətinin bu nailiyyətlərə zərər verdiyini iddia edən Tramp, “ABŞ sisteminin tamamilə yaxşılaşması üçün üçüncü dünya ölkələrindən gələn bütün miqrasiyanı daimi olaraq dayandıracağam” ifadəsini işlədib.

Livan hökumətinə silahın yalnız dövlətin əlində cəmlənməsi ilə bağlı beynəlxalq və regional dəstək mesajları ard-arda gəlməyə başladı. Bu aktiv diplomatik hərəkətlilik ABŞ-dan gələn təbrik teleqramı və arxasınca Misirdən daxil olan dəstəkləyici telefon zəngi ilə başladı. Bütün bunlar göstərir ki, Livan artıq “tarixi bir döngədə” dayanıb və bu mərhələnin həlledici faktoru ölkədəki silahların tam şəkildə dövlətin nəzarətinə verilməsi olacaq.

Beyrutun cənubunda “Hizbullah” komandiri Heysəm əl-Təbtabainin qətlə yetirilməsi bölgədə 2024-cü ilin payız müharibəsi ssenarisinin təkrarlanması qorxularını artırıb. O vaxtkı genişmiqyaslı qarşıdurma İsrailin ardıcıl yüksək səviyyəli hədəflərə yönələn suiqəstləri ilə başlamışdı. Lakin hazırkı regional və beynəlxalq şərait, xüsusilə də Qəzzada ötən ay elan edilən atəşkəs və ABŞ layihəsinin BMT-də qəbul edilməsi fonunda həmin ssenarinin tam şəkildə geri dönməsi ehtimalı daha zəif görünür.

İsrail ordusunun Qəzza zolağında həyata keçirdiyi hücumlarda son 24 saat ərzində 10 fələstinli həyatını itirib. 7 oktyabr 2023-cü ildə başlayan hücumlar nəticəsində ölənlərin ümumi sayı 69 min 785 nəfərə, yaralıların sayı isə 170 min 965 nəfərə yüksəlib. Qəzza Səhiyyə Nazirliyinin yaydığı yazılı açıqlamada bildirilib ki, son sutkada İsrailin hücumları nəticəsində 8-i dağıntılar altından çıxarılan olmaqla ümumilikdə 10 nəfərin cəsədi xəstəxanalara çatdırılıb.

Səudiyyə Ərəbistanı Nazirlər Kabineti Krallığın bütün tərəfdaşlarla birlikdə 1967-ci il sərhədləri daxilində paytaxtı Şərqi Qüds olan müstəqil Fələstin dövlətinin qurulması istiqamətində səylərini davam etdirəcəyini bir daha bəyan edib. Hökumət həmçinin İsrail ordusunun Qəzzadan tam çıxmasının vacibliyini vurğulayıb. Rabitə və sərmayə mövzuları, eləcə də regiondakı vəziyyət Riyadda keçirilən iclasda vəliəhd şahzadə və Baş nazir Məhəmməd bin Salmanın ABŞ-a səfərinin nəticələri fonunda müzakirə olunub. Vəliəhd şahzadə səfər çərçivəsində prezident Donald Tramp, Konqres rəhbərliyi və Senat üzvləri ilə görüşərək iki ölkə arasındakı tarixi tərəfdaşlığın gücləndirilməsini diqqətə çatdırıb.

ABŞ Prezidenti Donald Tramp, Venesuela Prezidenti Nikolas Maduro ilə görüşmək ehtimalına açıq olduğunu bildirib. Tramp bu barədə Şükran Günü tətili üçün Vaşinqtondan Florida ştatına yola düşərkən təyyarədə jurnalistlərin suallarını cavablandırarkən danışıb. Prezident Tramp, ABŞ–Venesuela münasibətlərindəki gərginliyə görə bir daha Maduro hökumətini günahlandırsa da, dialoqa hələ də açıq olduğunu vurğulayıb. O, ABŞ-ın Venesueladakı bir təşkilatı “xarici terror təşkilatları” siyahısına salması və həmin qurumun başında Maduro-nun olduğu iddialarına toxunan jurnalistin “Niyə hələ də onunla görüşmək istəyirsiniz?” sualına belə cavab verib:

Yaponiya Baş naziri Sanai Takaiçi və ABŞ Prezidenti Donald Tramp telefon danışığı zamanı iki ölkənin yaxın əməkdaşlığını yenidən təsdiqləyiblər. Yaponiya Xarici İşlər Nazirliyinin açıqlamasına görə, Takaiçi və Tramp təxminən 25 dəqiqə telefonla görüşüblər. Takaiçi görüş zamanı Trampa Yaponiya səfəri ilə bağlı bir qəzet üçün əl yazısı ilə hazırladığı mesajı hədiyyə etdiyi və həmçinin Ukraynada sülhün təmin olunmasında ABŞ-ın göstərdiyi səylərə görə təşəkkürünü çatdırıb.

Atəşkəsə baxmayaraq Qəzza şəhərinin şərqindəki yaşayış binalarını partladaraq dağıdan İsrail ordusu, Xan Yunis şəhərinin şərq bölgələrinə də hücum həyata keçirib. Şahidlərinin verdiyi məlumata görə, İsrail ordusu Qəzza şəhərinin şərqində yerləşən Şucaiyyə məhəlləsində işğal etdiyi ərazilərdə çox sayda binanı partladaraq yerlə-yeksan edib. İsrail əsgərləri həmçinin Qəzza zolağının cənubunda yerləşən Xan Yunisin şərq bölgələrini artilleriya atəşi ilə bombalayıb.

İsrail bazar günü Beyrutun cənub qəsəbəsi olan Dahiyəni hədəfə alan hücum həyata keçirdi. Nəticədə bir nəfər həyatını itirdi, 21 nəfər yaralandı. Livan prezidenti Cozef Aun bu hücumu “İsrailin təcavüzü dayandırmaq çağırışlarına məhəl qoymadığının növbəti sübutu” adlandırdı. O qeyd etdi ki, “Livan artıq bir ilə yaxındır ki, düşmənçilik fəaliyyətlərini dayandırıb”, beynəlxalq ictimaiyyəti isə “öz məsuliyyətini üzərinə götürməyə və Livana qarşı təcavüzün dərhal dayandırılması üçün ciddi müdaxilə etməyə” çağırdı.

İsrail ordusu Qəzzanın Şimalında atəşkəsə baxmayaraq həyata keçirdiyi hücumlar nəticəsində 4 nəfər həlak olub. Qəzza Şimalındakı Nəsir Xəstəxanasının açıqlamasına görə, İsrail ordusu Xan Yunus şəhərinin Bəni Suheyla bölgəsinə pilotsuz uçuş aparatları (PUA) ilə hücum edib. Hücumdan sonra xəstəxanaya 2 nəfərin meyiti gətirilib.

İranın kəşfiyyat naziri İsmayıl Xətib “düşmənlərin” ölkə daxilində iğtişaş yaratmağa və ya ali dini lider Ayətullah Əli Xamenei-yə qarşı sui-qəsd təşkil etməyə çalışdıqları barədə sərt xəbərdarlıq edib. Onun sözlərinə görə, ABŞ artıq “rejim dəyişikliyi” strategiyasından “təzyiq vasitəsilə cilovlama” siyasətinə keçib və regionda hərbi mövcudluğunu genişləndirir.

Kanadanın Baş naziri Mark Karni bildirib ki, ABŞ beynəlxalq arenada öz rolunu şişirtməməlidir və bir çox məsələlər ABŞ iştirakına ehtiyac olmadan həll edilə bilər. Karni, həftəsonu Cənubi Afrikanın Yohannesburq şəhərində keçirilən G20 sammiti çərçivəsində jurnalistlərə açıqlamasında, iqtisadi “ağırlıq mərkəzinin” də artıq Amerikadan uzaqlaşdığını qeyd edib. Sammitə ABŞ qatılmayıb. Prezident Donald Tramp, ölkənin ağ fermerlərə qarşı soyqırım həyata keçirdiyini iddia edərək, bu səbəbi olmadan sammitdə iştirak etmədiyini açıqlayıb. ABŞ həmçinin, toplantı sonrası yalnız sədrin xülasəsinin yayıla biləcəyini iddia edib, çünki ölkə sammitdə iştirak etməyib. Buna baxmayaraq, G20 bazar günü bir deklarasiya yayımlayıb.

Türkiyə Prezidenti Rəcəb Tayyib Ərdoğan bazar ertəsi, noyabrın 24-də Rusiya Prezidenti Vladimir Putinlə telefon danışığı planlaşdırıldığını açıqlayıb. Yohannesburqda keçirilən G20 sammitindən sonra keçirilən mətbuat konfransında çıxış edən Türkiyə lideri Ukrayna Prezidenti Volodimir Zelenskinin bu yaxınlarda Ankaraya səfər etdiyini xatırladıb.

ABŞ Nümayəndələr Palatasının Xarici Əlaqələr Komitəsinin sədri, respublikaçı kongresmen Brian Mast uzun müddət əleyhinə çıxış etdiyi “Sezar Aktı” sanksiyalarının ləğvinə dəstək verdiyini bəyan edib. Mast qərar dəyişikliyini ABŞ və Suriya keçid rəhbərliyinin qarşılıqlı öhdəlikləri daxilində şərti şəkildə dəstəklədiyini bildirib.

Belarus Prezidenti Aleksandr Lukaşenko 31 Ukrayna vətəndaşını əfv edib. Onlar bu gün vətənə qayıdacaqlar. Bu barədə Belarus Prezidentinin mətbuat katibi Natalya Eysmont açıqlama verib. “ABŞ Prezidenti Donald Tramp ilə Aleksandr Lukaşenko arasında əldə edilən razılaşmaların davamı olaraq, Ukrayna tərəfinin xahişi ilə və qonşu dövlətdə silahlı münaqişənin həlli üçün şərait yaratmaq məqsədilə Prezident 31 Ukrayna vətəndaşını əfv edib”, - deyə Eysmont bildirib.

ABŞ Prezidenti Donald Tramp Minnesota ştatında olan somalili miqrantların Birləşmiş Ştatlar ərazisində müvəqqəti yaşama hüququ verən statatusunu ləğv edəcəyini açıqlayıb. Trampın sözlərinə görə, onun qaçqın proqramında apardığı ixtisarlar məhz cinayət hallarına qarşı profilaktik tədbir xarakteri daşıyır.

ABŞ Prezidenti Donald Tramp və Nyu-York şəhərinin yeni seçilmiş meri Zahran Mamdani Ağ Evdə keçirdikləri ilk görüşdə mehriban münasibət sərgiləyərək şəhərdə cinayətkarlıqla mübarizə və yaşayış xərclərinin azaldılması istiqamətində əməkdaşlıq edəcəklərini bildiriblər.

ABŞ prezidenti Donald Tramp Ukraynadakı münaqişəyə son qoymaq planını "sülhə gedən yol" kimi gördüyünü bildirib. Bu barədə ABŞ prezidenti Nyu-Yorkun yeni seçilən meri Zohran Mamdani ilə görüşü zamanı deyib. O bildirib ki, Ukrayna prezidenti Volodimir Zelenski döyüşlərin bitməsini istəyirsə, bunu qəbul etməli olacaq.

ABŞ prezidenti Donald Trampın Ukrayna-Rusiya müharibəsini dayandırmaq məqsədilə hazırladığı və 28 maddədən ibarət olan barış planının detalları üzə çıxıb.

İsrail rəhbərliyinin Qəzza Zolağında əldə edilən atəşkəs anlaşmasının ikinci mərhələsinin icrası üçün xüsusi qrup yaratmaq qərarı verdiyi bildirilib. Təhlükəsizlik Kabinetinin dünən axşam keçirilən iclasının nəticəsi olaraq Qəzzadakı atəşkəsin ikinci mərhələsinin həyata keçirilməsi üçün bir qrupun yaradılması qərara alınıb

ABŞ Prezidenti Donald Tramp Səudiyyə Ərəbistanının Vəliəhd Şahzadəsi Məhəmməd bin Salmanın xahişindən sonra Sudandakı müharibə ilə bağlı səylərə başlamağa hazır olduğunu bildirib.