BAKI, AzerVoice, Nailə Babazadə

ABŞ Prezidenti Donald Tramp “ABŞ sisteminin tam bərpa oluna bilməsi üçün üçüncü dünya ölkələrindən gələn bütün miqrasiyanı daimi olaraq dayandıracağam” açıqlamasını verib.

AzerVoice xəbər verir ki, Tramp, ABŞ mənşəli Truth Social hesabında miqrasiya siyasəti ilə bağlı açıqlama yayımlayıb.

ABŞ-ın texnoloji baxımdan inkişaf etmiş olduğunu, lakin miqrasiya siyasətinin bu nailiyyətlərə zərər verdiyini iddia edən Tramp, “ABŞ sisteminin tamamilə yaxşılaşması üçün üçüncü dünya ölkələrindən gələn bütün miqrasiyanı daimi olaraq dayandıracağam” ifadəsini işlədib.

Keçmiş ABŞ Prezidenti Co Bayden və onun administrasiyası tərəfindən ölkəyə “qanunsuz şəkildə” qəbul edildiyini iddia etdiyi insanların qəbulunu da dayandıracağını bildirən Tramp, “ABŞ-a töhfə verməyən və ölkəni sevməyən şəxslərin” geri göndəriləcəyini qeyd edib.

Tramp, vətəndaş olmayan şəxslərə göstərilən bütün federal yardımların dayandırılacağını vurğulayaraq, “Təhlükəsizlik riski yaradan və ya Qərb sivilizasiyasına uyğunlaşa bilməyən bütün xarici vətəndaşları deportasiya edəcəyəm” açıqlamasını verib.