BAKI, AzerVoice, Nailə Babazadə

Kolombiya Prezidenti Qustavo Petro ABŞ-ın Venesuelaya hərbi müdaxiləsini tənqid edib və belə bir hərəkətin dünya tarixində hətta “diktatorlar” tərəfindən belə edilmədiyini bildirib.

AzerVoice xəbər verir ki, Petro ABŞ mərkəzli X şirkətinin sosial media hesabından paylaşımında vurğulayıb ki, ABŞ insanlıq tarixində bir Cənubi Amerika ölkəsinin paytaxtını bombalayan ilk ölkədir.

“Ne (İsrail Baş Naziri Binyamin) Netanyahu, ne (Nazi diktator Adolf) Hitler, ne (İspan diktatoru Francisco) Franco, ne də (Portuqaliya diktatoru Antonio de Oliveira) Salazar bunu etdi.” - deyə o qeyd edib.

Petro həmçinin, Cənubi Amerikalıların yaşananları unutmayacağını vurğulayıb.

“Yaramız uzun zamandır açıqdır. Latin atalarımız bizə ‘Vendetta’ (intiqam) desə də, intiqam peşinə düşməməliyik.” - deyə Petro qeyd edib.

Prezident, insanların boş yerə intiqam üçün bir-birini öldürdüyünü qeyd edərək, strateji iş ortaqlarının dəyişdirilməsinin vacib olduğunu bildirib. O əlavə edib ki, Latin Amerika ya birləşməli, ya da dünya üçün vacib bir mərkəz kimi deyil, xidmətçi və kölə kimi davranılacaq.

Petro həmçinin iş birliyi üçün yalnız Şimali Amerikaya deyil, dünyanın hər yerinə baxdığını, Çin və Rusiya ilə ittifaqın isə nəticə vermədiyini qeyd edib.

Kolumbiya Prezidenti Breziliya Prezidenti Luiz Inacio Lulaya da müraciət edərək vurğulayıb ki, ittifaq hər şeydən əvvəl bombalanan Latin Amerika ölkələri ilə qurulmalıdır. O, bütün Cənubi Amerika liderlərinin bir araya gəlməsinin vacibliyini vurğulayıb və bəzi liderləri xarici hökumətlər qarşısında boyun əyməkdə ittiham edib.

Petro Venesuelanın bombalanmasını Nazi Almaniyasının Guernica şəhərini bombalamasına bənzədərək bildirib ki, “Dostlar bir-birini bombalamaz.” - deyə o qeyd edib.