BAKI,AzerVoice, Fərid Mİkayılov
Danimarkanın Müdafiə Nazirliyi Qrenlandiyanın müdafiəsinə dair 1952-ci il tarixli kral direktivəsinin hələ də qüvvədə olduğunu təsdiqləyib. Bu direktivə adaya mümkün hərbi müdaxilə halında, yerli hərbi kontingentin yuxarı instansiyalardan əlavə göstəriş almadan atəş açmaq səlahiyyətini nəzərdə tutur.
AzerVoice xəbər verir ki, bu barədə Danimarka Müdafiə Nazirliyin məlumat yayıb.
Qeyd olunub ki, sözügedən kral fərmanı Qrenlandiyanın müdafiəsi üçün fövqəladə səlahiyyətlər müəyyən edir və bu mexanizm bu gün də hüquqi qüvvəsini saxlayır.
Məlumata görə, direktivəyə əsasən, Danimarka Silahlı Qüvvələrinin Qrenlandiyada yerləşən bölmələri ada ərazisinə hər hansı xarici müdaxilə halında dərhal cavab tədbirləri görə, o cümlədən “məhvetmə məqsədilə atəş” aça bilərlər.
Bundan əvvəl Politico nəşri NATO-dakı mənbələrə, eləcə də Avropa İttifaqına yaxın diplomatlara istinadla yazmışdı ki, Avropa İttifaqında Qrenlandiya ətrafında yaranan geosiyasi gərginlik fonunda adaya hərbi kontingent göndərilməsi variantları müzakirə olunur. Məlumatda bu müzakirələrin ABŞ-ın mümkün addımları ilə bağlı narahatlıqlardan qaynaqlandığı bildirilirdi.
Eyni zamanda Avropa siyasi dairələrində ABŞ Prezidenti Donald Trampın Qrenlandiya ilə bağlı əvvəlki iddiaları fonunda Vaşinqtonla birbaşa siyasi və təhlükəsizlik qarşıdurmasına hazır olmağın vacibliyi barədə çağırışların səsləndiyi qeyd olunur.
Qrenlandiya hərbi müdafiə qaydaları, Danimarka kral fərmanı, Arktika təhlükəsizlik arxitekturası, Qrenlandiyada ABŞ faktoru, Avropa–ABŞ geosiyasi qarşıdurma ehtimalı, Qrenlandiya Arktika strateji əhəmiyyəti
Qrenlandiya hərbi müdafiə qaydaları, Danimarka kral fərmanı, Arktika təhlükəsizlik arxitekturası, Qrenlandiyada ABŞ faktoru, Avropa–ABŞ geosiyasi qarşıdurma ehtimalı, Qrenlandiya Arktika strateji əhəmiyyəti