BAKI, AzerVoice, Nailə Babazadə
Türkiyə Daxili İşlər Naziri Ali Yerlikaya İstanbul mərkəzli, ölkə xaricində cəzaçəkmə müəssisəsində olan bir cinayətkarın rəhbərlik etdiyi təşkil olunmuş cinayətkar dəstəyə qarşı keçirilən əməliyyatlarda 96 nəfərin saxlanıldığını açıqlayıb.
AzerVoice xəbər verir ki, nazir Yerlikaya sosial media hesabında yazdığı açıqlamada təşkil olunmuş cinayətkar dəstələrə qarşı mübarizənin qətiyyətlə davam etdiyini vurğulayıb.
Bakırköy Baş Prokurorluğunun koordinasiyası ilə İstanbul Polis İdarəsinin Təşkilatlanmış Cinayətlərə Qarşı Mübarizə Şöbəsi tərəfindən aparılan araşdırmalar nəticəsində İstanbul mərkəzli olmaqla Ankara, İzmir, Diyarbəkir, Antalya, Amasya, Ordu, Düzcə, Elazığ, Şanlıurfa, Trabzon, Mardin, Tokat, Sinop, Bitlis, Samsun, Çanakkale, Sakarya, Adıyaman, Malatya və Tekirdağ şəhərlərində eyni vaxtda əməliyyatlar keçirilib.