BAKI, AzerVoice
İslandiyada paytaxt yaxınlığında vulkan püskürüb.
AzerVoice xəbər verir ki, bu barədə İslandiya Meteorologiya Xidməti məlumat verib. İslandiyanın paytaxtı Reykyavik yaxınlığında yerləşən Sundhnukur vulkanı püskürüb.
Bu, 2021-ci ildən bəri Atlantikanın şimalındakı adada qeydə alınan 12-ci vulkan püskürməsidir.
Agentlik çərşənbə günü səhər elan etdi ki, İslandiyanın cənub-qərbindəki püskürən yarığın uzunluğu 700 ilə 1000 metr arasındadır.
Bildirilib ki insanlar lüks geotermal kurort Blue Lagoon və yaxınlıqdakı Grindavik balıqçı qəsəbəsindən təxliyə edilib.
"Lava əsasən cənub-şərqə doğru axır və heç bir infrastruktura yaxınlaşmır. GPS ölçmələrinə və deformasiya siqnallarına əsasən, bu, nisbətən kiçik miqyaslı püskürmə kimi görünür", - deyə agentlik bildirib.
