BAKI, AzerVoice, Nailə Babazadə
Taylandın cənub bölgələrində güclü yağışların törətdiyi sel fəlakətində ölənlərin sayı 145-ə yüksəlib.
AzerVoice xəbər verir ki, bu barədə hökumət sözçüsü Siripong Angkasakulkiat məlumat verib.
Angkasakulkiatın sözlərinə görə, ölənlərin 100-dən çoxu Songkhla əyalətində qeydə alınıb. O bildirib ki, sel sularının çəkilməsi davam edir və axtarış-xilasetmə qrupları daha çox bölgəyə daxil ola bilir.
Taylandın Təbii Fəlakətlərlə Mübarizə və İdarəetmə Departamenti ölkənin cənubundakı 12 əyalətdə təxminən 1,2 milyon ev təsərrüfatının və 3,6 milyon nəfərin sel fəlakətindən təsirləndiyini açıqlayıb.
Taylandın Baş naziri Anutin Çarnvirakul sel bölgələrində vəziyyətin nəzarətə alınması üçün dövlət qurumlarının koordinasiyalı şəkildə çalışdığını və zərərçəkənlərə yardımın davam etdiyini bildirib.