BAKI, AzerVoice, Nərmin Ağayeva
Qazaxıstanın Şərqi Qazaxıstan vilayətinin Kurçum rayonunda yerli vaxtla saat 07:54-də 5.1 bal zəlzələ qeydə alınıb.
AzerVoice xəbər verir ki, Qazaxıstan Respublikası Fövqəladə Hallar Nazirliyinin Seysmoloji Müşahidələr və Tədqiqatlar üzrə Milli Elmi Mərkəzinin məlumatına görə, zəlzələnin episentri Almatıdan 799 km şimal-şərqdə yerləşib və ocağı 25 km dərinlikdə olub. Zəlzələ orta səviyyəli hesab edilərək səthdə hiss olunmayıb. Şərqi Qazaxıstan Fövqəladə Hallar Departamentinin mətbuat xidməti dağıntı və tələfatın olmadığını, vəziyyətin sakit olduğunu və monitorinqin davam etdiyini bildirib.
Qeyd edək ki, Şərqi Qazaxıstan seysmik cəhətdən aktiv bölgədir və vaxtaşırı 10-30 km dərinlikdə təkanlar qeydə alınır. Ekspertlər əhaliyə zəlzələ zamanı davranış qaydalarını bilməyi və yalnız rəsmi mənbələrə etibar etməyi tövsiyə edir.