BAKI, AzerVoice
Kanada hökuməti ölkənin Avropa İttifaqına (Aİ) üzv olması məsələsini nəzərdən keçirmək niyyətində deyil.
AzerVoice xəbər verir ki, bu barədə Kanadanın baş naziri Mark Karni NATO sammitindən sonra Haaqada keçirilən mətbuat konfransında bəyan edib.
“Qısacası: yox. Bu, bizim etmək istədiyimiz bir şey deyil” – deyə, Karni bildirib.
Xatırladaq ki, bundan əvvəl Avropa İttifaqının diplomatik xidmətinin rəhbəri Kaya Kallas NATO sammiti çərçivəsində "Bloomberg" agentliyinə verdiyi müsahibədə demişdi ki, Kanada Avropada yerləşməsə də, Arktikada Aİ ilə sərhəddə olduğu üçün ittifaqa üzv ola bilər.
Qeyd edək ki, Kanadanın Aİ-yə mümkün inteqrasiyası ideyası son vaxtlar Avropa və Kanada ekspert və siyasi dairələrində ABŞ prezidenti Donald Trampın Kanada ilə bağlı zorla ilhaq təhdidlərinə qarşı mümkün cavab tədbiri kimi gündəmə gəlməyə başlayıb.