BAKI, AzerVoice, Nailə Babazadə

Suriya Ordusu Operasiya Heyəti, Hələb şəhərində Şeyx Maksud, Eşrefiye və Beni Zeyd məhəllələrində saat 13:30-dan etibarən ikinci bir elan oluna qədər məhəlləyə çıxma qadağası tətbiq edildiyini açıqlayıb.

AzerVoice xəbər verir ki, heyətdən verilən açıqlamada, mülki əhalidən PKK/YPG mövqelərindən uzaq durmaları xahiş edilib. Eyni zamanda saat 13:30-dan etibarən həmin məhəllərdə PKK/YPG mövqelərinə qarşı dəqiq zərbə əməliyyatlarına başlanacağı bildirilib.

Suriya Hələb Hakimiyyəti, PKK/YPG-nin işğalı altındakı Şeyx Maksud və Eşrefiye məhəllələrində mülki əhalinin çıxışının məhdudlaşdırılması üzərinə güvənli zonalara təxliyəni təmin etmək məqsədilə iki humanitar keçidin yenidən açıldığını açıqlayıb.

Hakimiyyətdən verilən məlumatda qeyd olunub ki, mülki əhalinin təhlükəsiz zonalara çıxışı üçün Suriya ordusu ilə koordinasiya qurulub və bu çərçivədə El-Avarid və Zuhur Caddesi üzərindəki keçidlərdən istifadə edərək təhlükəsiz zonalara keçə biləcəkləri bildirilib. Təxliyə əməliyyatı saat 10:00-dan 13:00-dək üç saat davam edəcək.

Xatırladaq ki, Hələb şəhər mərkəzində 6 yanvarda PKK/YPG-nin hücumları nəticəsində 1 hərbçi və 5 mülki şəxs ölmüş, 31 nəfər yaralanmışdı.

Suriya ordusu PKK/YPG ilə əlaqə xəttinə onlarla tank, zirehli personal daşıyıcı və əlavə əsgərlər göndərmişdi.

Çatışmalar səbəbindən şəhər mərkəzindəki rəsmi qurumlarda fəaliyyət dayandırılıb, məktəb və universitetlərdə təhsil dayandırılıb, həmçinin Hələb Beynəlxalq Hava Limanında uçuşlar müvəqqəti olaraq dayandırılmışdı.

Eyni günün axşam saatlarında PKK/YPG Süryan Məhəlləsində bir məktəb və xəstəxanaya hücum etmişdi.